Keriti-Pempoull

Ur pennad Keriti zo ivez.

• 
  Ur blasenn er vourc'h.

Keriti a zo ur gumun a-wechall eus Breizh e departamant Aodoù-an-Hanternoz. Ul lodenn eus kumun Pempoull eo bremañ.

Douaroniezh

• 
  Saout dirak ar mor.

• War lez Mor Breizh emañ Keriti.

Istor

• Keriti a oa ur barrez e Bro-Oueloù gwechall. A-raok an Dispac'h gall e oa parrez Keriti en eskopti Dol, ha da sant Samzun e oa gouestlet an iliz-parrez. Stag e oa an iliz-se ouzh abati enez Sant-Rion da gentañ hag ouzh abati Boporzh war-lerc'h.

Dispac'h Gall

• E 1790 e voe krouet ar gumun.

Pempoull

• En XIX^vet kantved e oa bet kresket porzh-mor Pempoull diwar-goust douaroù kumun Keriti, rak re vihan e oa tachenn Pempoull. E dibenn an XIX^vet kantved e voe lakaet sevel ti-gar Pempoull, war douaroù Keriti adarre. Tamm-ha-tamm e oa deuet buhez an div gumun da vezañ liammet-strizh eta. Pemzek vloaz goude dibenn an Eil Brezel-bed, e 1960, e voe bodet kumunioù Keriti, Plounez ha Pempoull da sevel "Pempoull Vras".

XX^vet kantved

Brezel-bed kentañ

• Mervel a reas 75 gwaz abalamour d'ar brezel hervez monumant ar re varv, da lavaret eo 2,61 % ag ar boblañs hervez an niveradeg bet graet e 1911.

Eil Brezel-bed

• Mervel a reas 44 den ag ar gumun abalamour d'ar brezel.
• D'ar 15 a viz Gouhere 1944 e voe lazhet pemp rezistant (tri anezhe a oa eus Keriti) ha tri soudard alaman en un emgann e Pañvrid-ar-Beskont.

Brezelioù didrevadennañ

Brezel Indez-Sina

• Mervel a reas daou vilour er Viêtnam.

Brezel Aljeria

• Mervel a reas daou soudard.

Monumantoù ha traoù heverk

• 
  Abati Boporzh.
• 
  Chapel Santez Barba.

• Abati Boporzh.
• Chapel Santez Barba.
• Monumant ar re varv er vered e-tal an iliz katolik, luc’hskeudenn.
• Taolenn-enor ar re varv (1914-1918) er maerdi, luc’hskeudenn.

Melestradurezh

• Le Fiblec a oa maer e 1837 ha Brichet e 1860.

Pennadoù kar

• Plounez,
• Pempoull.