Kleinwallstadt

Basisdotn
Bundesland:	Bayern
Regiarungsbeziak:	Untafrankn
Landkroas:	Landkroas Miltenberg
Vawoitungsgmoaschoft:	Kleinwallstadt
Hechn:	123 m ü. NHN
Flächn:	15,8 km2
Eihwohna:	5695 (31. Dez. 2020)
Bevökarungsdichtn:	360 Einwohner je km2
Postleitzoi:	63839
Voawoi:	06022
Autokennzeichn:	MIL, OBB
Gmoaschlissl:	09 6 76 133
Marktgliedarung:	2 Ortstei
Address vo da; Marktvawoitung:	Hauptstr. 2; 63839 Kleinwallstadt
Webseitn:	www.kleinwallstadt.de
Buagamoasta:	Thomas Köhler (CSU)
Log vom Moakt Kleinwallstadt im Landkroas Miltenberg
	Karte

Kleinwallstadt is a Moakt im untafränkischn Landkroas Miltenberg und Siez vo da gleichnaming Vawoitungsgmoaschoft.

Geografie

Geografische Log

Kleinwallstadt liegd in da Region Boarischa Untamain. Da topografisch häxde Punkt vo da Gmoagemarkung liegd mid ana Häh vo 359 m ü. NN om Eichelsbeag noadwestli vo Eichelsbach, da niedrigsde liegd im Main af 112,5 m ü. NN.

Gmoagliedarung

Es gibd zwoa Ortstei^[2]:

Kleinwallstadt (Haptort)
Hofstetten (Pforrdoaf)

De Gemarkunga san: Kleinwallstadt und Hofstetten.

Nochboagmoana

	Moakt Sulzbach am Main	Gmoa Leidersbach
Gmoa Großwallstadt		Gmoa Hausen
	Moakt Elsenfeld

Nam

Etymologie

Da Nam Kleinwallstadt sezd se ausn oidhochdeitschn Weatan: Walah fia Wejscha und stat fia Wohnstettn zamm. Ois Eaklearung eagibd se draus: Wohnstettn vo de Wejschn. De zeidweis vawenddn Namanszuasäz: Klein, Wenig und Bischofs sowia de latinisiadn Differenziarunga: minor (da kloanare) und Episcopi (vom Bischof) soitns vo Großwallstadt untascheidn. Da Zuasotz Bischofs beziagd se af de Grundherrschoft vom Bischof.^[3]

Friahare Schreibweisn

Friahare Schreibweisn vo da Oatschoft aus diversn historischn Koartn und Uakundn:^[3]

1000 Ualohostat
1184 Walhestat
1248 Walstat
1282 Walgestat
1291 Walhenstat
1305 Walhestad Episcopi

1306 Byschouis-Walstad
1310 Walhestad minori
1310 Kleinwalhestad
1345 Cleinem Walstat
1348 wenigin Walestad

1352 kleynen Wallestadt
1391 Minoriwalstat
1401 Walstad Episcopi
1458 Cleyn Walstat
1504 Walstat Episcapi
1561 Kleinwallstadt

Gschicht

Kleinwallstadt woa scho seah friah bsiedld. Bodnfunde aus da Hallstattzeid weisn af de voagschichtlichn Bewohna hii. Bei oam neien Fund (1980) san weibliche Skelettrestln mid scheene Grobbeigom aus alemannischa Zeid (4.–5. Joarhundad) z Dog gfeadad worn.

Im Joar 1862 is des Beziaksamt Obernburg buidd worn, af dessn Vawoitungsgebiet Kleinwallstadt gleng is.

Kleinwallstadt woa seit 1939 oane vo de 35 Gmoana im Landkroas Obernburg am Main (Kfz-Kennzeichn: OBB). Mid da Afläsung vom Landkroas Obernburg is Kleinwallstadt 1972 in an nei buiddn Landkroas Miltenberg (Kfz-Kennzeichn: MIL) kemma.

Rodhaus
Kiach
Haptstroß
Reste vo da Weahmaua vom Oat

Eihgmoanunga

Om 1. Juli 1971 is de bis dohi sejbstständige Gmoa Hofstetten eihgliedad worn.^[4]

Eihwohnaentwicklung

Bevejkarungsentwicklung
Joar	1840	1900	1939	1950	1970	1987	2001	2005	2010	2015
Eihwohna	1812	1881	2452	3569	4778	4876	5789	5844	5757	5781

Vakeah

Da Bohhof Kleinwallstadt liegd on da Maintalboh (Aschaffenburg–Wertheim). Duachn Ort fiahd de Stootsstroß 2309.

Dialekt

Fränkisch, Deitsch und Boarisch vaglicha:

De vielseidisch Grumbiern

Es Kind freescht: "Mudde wous koche mer haid?

Mudde: Grumbiern!

Woans sou bleibd wis is, gidds Grumbiern!

Woans zu dinn wärd, gidds oafach Grumbiernsubbe!

Woans oubrennt, gidds noch woas gans gurres,

Grumbiernpoannekuche!"^[5]

De vielseitige Kartoffel

Das Kind fragt: "Mutter was kochen wir heute?

Mutter: Kartoffeln!

Wenn sie so bleiben wie sie sind, gibt es Kartoffeln!

Wenn sie zu dünn werden, gibt es einfach Kartoffelsuppe!

Wenn sie anbrennen, gibt es noch etwas ganz Gutes,

Kartoffelpuffer!"

Da vuiseitige Eadopfe

S Kind frogd: „Muada, wos koch ma heit?“

Muada: „Eadäpfe!

Wanns so bleim wias san, gibds Eadäpfe!

Wanns z dinn wean, gibds oafoch Eadäpfesuppn!

Wenns oobrenna, gibds no wos gonz Guats,

Raiwadadschi!“

Im Netz

Commons: Kleinwallstadt – Sammlung vo Buidl, Videos und Audiodateien

Ausgrabungen am Alten Schloss
Geschichte der Burg Waldenberg
Kleinwallstadt: Woppmgschicht vom Haus der Bayerischen Geschichte
Ehem. jüdische Gemeinde in Kleinwallstadt
Kleinwallstadt: Amtliche Statistik vom Bayerisches Landesamt für Statistik und Datenverarbeitung (LStDV)

Beleg

↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).
↑ http://www.bayerische-landesbibliothek-online.de/orte/ortssuche_action.html?anzeige=voll&modus=automat&tempus=+20111123/191126&attr=OBJ&val=1694
↑ ^3,0 ^3,1 Wolf-Armin Frhr. v. Reitzenstein: Lexikon fränkischer Ortsnamen. Herkunft und Bedeutung. C.H.Beck, München 2009, ISBN 978-3-406-59131-0, S. 120–121 (Eingeschränkte Vorschau in da Google Buachsuach).
↑ Wilhelm Volkert (Hrsg.): Handbuch der bayerischen Ämter, Gemeinden und Gerichte 1799–1980. C.H.Beck’sche Verlagsbuchhandlung, München 1983, ISBN 3-406-09669-7, S. 544.
↑ Rita Lebert: Im Kloawällschder Dialekt gebabbeld. 2 Auflage. Eigenverl., Kleinwallstadt 2002.

Städt und Gmoandn im Landkreis Miltenberg

[Metadaten_Einwohnerzahl_DE-BY-1] Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

[2] ttp://www.bayerische-landesbibliothek-online.de/orte/ortssuche_action.html?anzeige=voll&modus=automat&tempus=+20111123/191126&attr=OBJ&val=1694

[LfO-3] 3,0 ^3,1 Wolf-Armin Frhr. v. Reitzenstein: Lexikon fränkischer Ortsnamen. Herkunft und Bedeutung. C.H.Beck, München 2009, ISBN 978-3-406-59131-0, S. 120–121 (Eingeschränkte Vorschau in da Google Buachsuach).

[4] Wilhelm Volkert (Hrsg.): Handbuch der bayerischen Ämter, Gemeinden und Gerichte 1799–1980. C.H.Beck’sche Verlagsbuchhandlung, München 1983, ISBN 3-406-09669-7, S. 544.

[5] Rita Lebert: Im Kloawällschder Dialekt gebabbeld. 2 Auflage. Eigenverl., Kleinwallstadt 2002.

[1]

[2]

[3]

[4]

[5]