Kofi Annan
.jpg?lang=vec)
El ze stà el sètemo segretario zenarałe de łe Nasion Unìe; el só mandato el ze scadùo el 31 de desenbre 2006.
Formasion
[canbia | canbia el còdaxe]Da'l 1954 al 1957 Kofi Annan el ga frecuentà el cołegio metodista Mfantsipim School a Cape Coast. El se ga diplomà inte'l 1957, el steso ano in cui el Ghana el ga otenjesto l'independensa da ła Gran Bretanja. Inte'l 1958 el ga inisià a studiar economia inte'l Kwame Nkrumah University of Science and Technology. El ga resevùo na borsa de studio de ła Fondazione Ford[1] che ła ghe ga parmetesto de conpletar i studi inte'l Macalester College a St. Paul, inte'l Minnesota, inte'l 1961.
Drìoman Annan el ga studià inte l'Istituto univarsidario de alti studi intarnasionałi de Zinevra, inte'l bienio 1961-62, frecuentando drìoman ła Sloan School of Management inte'l MIT (1971–72), indove el ga conseguìo el Master of Science in Management.
Annan el parlava fluentemente l'ingleze, el franseze, nonché numerozi diałeti e łengue afregane.
I primi pasi
[canbia | canbia el còdaxe]Inte'l 1962 Annan el ga cominsià a łaorar par l'Organizasion mondiałe de ła sanità. Da'l 1974 al 1976 el ze stà diretor del turizmo in Ghana. Drìoman el ze tornà a łe Nasion Unìe e el ga łaorà cofà Assistant Secretary-General, coverzendo in sucesion diversi ròłi: Human Resources Management and Security Coordinator (zestion de łe resorse umane e coordinador de ła seguresa) da'l 1987 al 1990, Program Planning, Budget and Finance, and Controller da'l 1990 al 1992, e Peacekeeping Operations da'l marso 1993 fin al febraro 1994.
Annan el ze devenjesto drìoman Undersecretary-General fin a l'otobre 1995, cuando che'l ze stà nomenà incargà spesiałe de'l Segretario par ła ex-Jugoslavia. Dopo sìncue mezi el ze tornà al só ròło de Undersecretary-General. El ga zestìo co suceso łe tratadive co l'Iraq par el rełaso de 900 dependenti de l'ONU restai blocài inte'l paeze a l'inisio de ła guera, ma drìoman el ze stà acuzà d'inasion in rifarimento ai eventi in Ruanda e Boznia ed Erzegovina[1].
Segretario zeneral de łe Nasion Unìe
[canbia | canbia el còdaxe]
El 13 de desenbre 1996 Annan el ze stà sernìo da'l Consejo de seguresa, e confermà cuatro zorni dopo da l'Asenblea zeneral, come novo segretario zenarałe de łe Nasion Unìe.
El só mandà el ga tacà ofisialmente el 1º de zenaro 1997. El ga sostituìo el segretario zenerałe usente, l'ezisian Boutros Boutros-Ghali, devenjendo el primo segretario zenarałe afregan nero de l'ONU. El rinovo de'l só mandà, avenjesto el 1º de zenaro 2002, el ze stà inconsueto; drìo łe norme informałe ła pozision ła vien coèrzesta da parsone de continenti diversi a rodasion (ed anca el só predesesor el zera stà un afregan).
El se ga dedicà al progeto de reforma de łe Nasion Unìe[2], che'l conprendeva: na redefinision de ła seguresa cołetiva; el raforsamento dei tratài de non prołiferasion e de dezarmo e l'estension de'l sistema de seguresa convensionałe a nove temàteghe (ez. biotecnołozìa); ła creasion de organi intargoernadivi de costrusion de ła paze e defeza dei deriti umani; l'espansion e ła modìfega de łe funsion de'l Consejo de seguresa de l'ONU; nove norme par goernar el dòparo de ła forsa da parte dei Stati menbri e so autorizasion de'l Consejo de seguresa; na nova regołamentasion (responsibility to protect), che ła łegałizase l'intarvento umanidario; un novo inpenjo inte ła costrusion de ła paze, inte ła mediasion dei confliti, inte'l controterorizmo, inte ła łota a ła povartà e a łe małatìe; el mejoramento de ła capasità desizionałe dei organi de łe Nasion Unìe. Benché A ghe sia stà vari raporti (so st'altri) rasenjài da'l Segretario zenarałe ai Stati menbri, non tuti i ga avesto un sèguito operativo.
El 10 de desenbre 2001, Annan e łe Nasion Unìe i ga resevesto el Premio Nobel par ła paze par el só łaor "par un mondo mejo organizà e co pì paze" (for their work for a better organized and more peaceful world)[3]. Inte'l 2003 Annan el ga difidà i Stati Unìi e el Renjo Unìo da l'invader l'Iraq sensa el puzo de l'ONU. Inte'l desenbre 2004, el senador republegan statunitense Norm Coleman el ga dimandà łe dimision de Annan daspò el coninvolzimento de só fio in un cazo de pagamenti iłegałi, inte l'anbito de'l programa Oil-for-food.
Onorificense
[canbia | canbia el còdaxe]Onorificense ghanezi
[canbia | canbia el còdaxe].svg?lang=vec){kind=small}
Onorificense foreste
[canbia | canbia el còdaxe]
Notasion
[canbia | canbia el còdaxe]- ↑ 1,0 1,1 Thierry Meyssan, Kofi Annan: pelle nera, maschere bianche, cit.geopolitica-rivista.org. entrada il 15 aprile 2012 (archivià dal URL orizenałe il 17 aprile 2013).
- ↑ STEDMAN, STEPHEN JOHN, "UN transformation in an era of soft balancing", in International Affairs, 83, no. 5 (September 2007): 933-944.
- ↑ Nobel Peace Prize given to UN, Kofi Annan
- ↑ Foundation
- ↑ Gmic
Voze corełàe
[canbia | canbia el còdaxe]Altri projeti
[canbia | canbia el còdaxe]
Wikimedia Commons el detien imàjini o altri file so Kofi Annan
el detien schemi gràfeghi so
Linganbi foresti
[canbia | canbia el còdaxe]- Annan, KofiTreccani.it – Enciclopedie on line, Istituto de ła Ençiclopedia Italiana.
- Annan, Kofi, in Disionàrio de istòria, Istituto de ła Ençiclopedia Italiana, 2010.
- Annan, Kofisapere.it, De Agostini.
- (EN) Kofi AnnanEnçiclopedia Britannica, Encyclopædia Britannica, Inc.
- (EN) Kofi AnnanFind a Grave.
- (EN) Opere di Kofi AnnanOpen Library, Internet Archive.
- (EN) Kofi Annanolympedia.org, Olympedia.
- (EN) Kofi AnnanInternet Movie Database, IMDb.com.
| Controło de autorità | VIAF (EN) 98713807 · ISNI (EN) 0000 0001 0928 4124 · LCCN (EN) no98073710 · GND (DE) 12296201X · BNF (FR) cb13206903w (data) · BNE (ES) XX1475818 (data) · NLA (EN) 41685973 · NDL (EN, JA) 01185479 · WorldCat Identities (EN) no98-073710 |
|---|