Korf

Ar c'horf eo an danvez fizikel a ya d'ober ar bevien, pe loened pe tud e vent, hep ober anv eus o fersonelezh, o emzalc'h pe o ene. Ral eo komz eus korfoù plant pe traezoù ; evit diskouez al lodenn vrasañ anezho e reer a-wechoù.

Lodennoù ar c'horf

Korf an den a zo meur a lodenn ennañ :

ar penn ;
ar gouzoug ;
ar c'hef, pa korf-bras ;
an divvrec'h ;
an divhar (pe an divesker) ;
an organoù gouennañ pe organoù-engehentañ.

Skiant

Korfadurezh eo anv ar c'helenn ma vez studiet korf an den hag e vont en-dro.

Korfoù all

N'o deus ket ar plant ur c'horf ha pa vez ganto muioc'h eget ur gell.

Implijet e vez ar ger korf gwechoù zo evit ober kaoz eus an neuz, ar yec'hed, pe ar marv. Komz a reer neuze eus korf marv, goude ma kaver gerioù all e brezhoneg: kelan, tost ouzh celain e kembraeg, hag un amprest moarvat, ha bruluskenn a gaver e skridoù krennvrezhonek.

Evit al loened e vez komzet eus ar sklosenn a-wechoù.^[1]^,^[2]

Notennoù

↑ Frañsez Favereau (1992), Geriadur ar brezhoneg a-vremañ, Skol Vreizh, ISBN 978-2-903313-41-8, p. 678-a
↑ Martial Ménard (2012), Dictionnaire français-breton, Palantines, ISBN 978-2-35678-069-0, p. 210-b

Gwelout ivez

Levrlennadur

Pêr Denez, Korf an Den
Guy Étienne, Geriadur ar gorfadurezh, Preder

[FF-1] Frañsez Favereau (1992), Geriadur ar brezhoneg a-vremañ, Skol Vreizh, ISBN 978-2-903313-41-8, p. 678-a

[MM-2] Martial Ménard (2012), Dictionnaire français-breton, Palantines, ISBN 978-2-35678-069-0, p. 210-b

[1]

[2]