Koronas F
| KORONAS F / CORONAS F / AUOS-SM-KF | |
|---|---|
| Tipo | Observatorio espacial |
| Contratistas principais | NPO Yuzhnoye |
| Data de lanzamento | 31 de xullo de 2001[1][2][3] |
| Foguete portador | Tsiklon-3[2][4] |
| Sitio de lanzamento | Cosmódromo de Plesetsk[2][3][4][5] |
| Obxectivo da misión | Observatorio solar.[2][3][4][5] |
| Decaemento | 6 de decembro de 2005 |
| NSSDC ID | 2001-032A |
| Masa | 2260 kg[2] |
KORONAS F, tamén coñecido como CORONAS F e como AUOS-SM-KF, foi un observatorio espacial ruso lanzado o 31 de xullo de 2001 mediante un foguete Tsiklon-3 desde o Cosmódromo de Plesetsk.[1][2][4][5]
Características
[editar | editar a fonte]KORONAS F era un observatorio espacial adicado á observación do Sol. Tiña unha masa de 2260 kg e unha precisión de apuntado de 10 minutos de arco, podendo observar o Sol desde en ondas de radio a raios X, así como contar con detectores de partículas.[1][2][4][5]
KORONAS F levaba os seguintes instrumentos a bordo:[1][2][4][5]
- DIFOS: un instrumento para detectar cambios na intensidade da luz en seis bandas en luz visible (350, 500, 650, 850, 1100 e 1500 nanómetros) para poder estudar o espectro dos modos normais das oscilacións sísmicas do Sol.
- SORS: un detector para gromos de radio no rango entre 0,1 e 30 MHz.
- ZENIT: un coronógrafo para estudar a coroa solar a unha distancia de ata seis radios solares no rango de lonxitudes de onda entre 750 e 850 nm.
- SUFR: radiómetro ultravioleta no rango entre 0,1 e 130 nm para estudar o disco completo do Sol.
- VUSS: estudo da intensidade do disco solar na lonxitude de onda de 121,6 nm (liña Lyman-Alfa) nunha banda de 5 nm de ancho.
- DIAGENESS: estudo das rexións activas do Sol nas bandas de 29,601 a 33,915, 49,807 a 53,721 e 61,126 a 67,335 nm cunha resolución temporal de entre 0,1 e 10 segundos. Tamén era capaz de monitorizar o disco solar en raios X en enerxías de entre 2 e 8 keV e entre 10 e 160 keV cunha resolución temporal dun segundo.
- RESIK: detector de raios X para o estudo nas bandas de 11,23 a 12,93, 12,74 a 14,42, 14,36 a 16,30, 16,53 a 20,29, 21,54 a 24,45, 24,80 a 30,43, 33,69 a 38,79, 38,21 a 43,26 e 49,60 a 60,86 nm, correspondentes ás emisións dos elementos argon, manganeso, silicio, xofre, calcio, potasio e níquel.
- IRIS: estudo das explosións en raios X duros no rango entre 2 e 200 keV.
- HELIKON: estudo dos raios X e raios gamma solares no rango de enerxías entre 10 keV e 8 MeV. Levaba dous detectores, un apuntando cara ao Sol e outro na dirección antisolar.
- SKL: tiña tres compoñentes, a saber, SONG (detector de raios gamma entre 0,03 e 100 MeV e de neutróns entre 3 e 100 MeV), MKL (detector de protóns entre 1 e 300 MeV, electróns entre 0,5 e 12 MeV) e SKI-3 (estudo dos elementos químicos ionizados con número atómico entre 1 e 10 no rango de entre 1,5 e 20 MeV).
- RES-K: espectroheliógrafo en raios X para proporcionar imaxes de alta resolución do Sol mediante as liñas de misión do ferro XXIV e ferro XXV, a lonxitudes de onda entre 18,5 e 18,7 nm, e para a liña do manganeso XII no rango entre 84,1 e 84,3 nm.
- RPS: espectrómetro de raios X na banda entre 3 e 30 keV.
- SPR-N: polarímetro de raios X para medir as emisións sincrotrón nas explosións solares no rango de enerxías entre 20e 40, 40e 60 e 60 e 100 keV.
KORONAS F foi o sucesor de KORONAS I. Reentrou na atmosfera terrestre o 6 de decembro de 2005.[1][2][4][5]
Notas
[editar | editar a fonte]- ↑ 1,0 1,1 1,2 1,3 1,4 N2YO (2023). Real Time Satellite Tracking, ed. "CORONAS F" (en inglés). Consultado o 2 de xuño de 2023.
- ↑ 2,0 2,1 2,2 2,3 2,4 2,5 2,6 2,7 2,8 NASA (28 de outubro de 2022). "CORONAS-F" (en inglés). Consultado o 2 de xuño de 2023.
- ↑ 3,0 3,1 3,2 "Notes verbales dated 17 October 2001 from the Permanent Mission of the Russian Federation to the United Nations (Vienna) addressed to the Secretary-General" (PDF) (01-88168 (E)). 25 de outubro de 2001: 2. Consultado o 2 de xuño de 2023.
- ↑ 4,0 4,1 4,2 4,3 4,4 4,5 4,6 Gunter Dirk Krebs (2023). Gunter's Space Page, ed. "Koronas F (Coronas F, AUOS-SM-KF)" (en inglés). Consultado o 2 de xuño de 2023.
- ↑ 5,0 5,1 5,2 5,3 5,4 5,5 Mark Wade (2023). "Koronas F" (en inglés). Consultado o 2 de xuño de 2023.
