Kraftwerk (ალბომი)

Kraftwerk
სტუდიური ალბომი — Kraftwerk
გამოცემის თარიღი	1970 (გერმანია) მოგვიანებით გამოიცა სხვა ქვეყნებში
ჩაიწერა	ივლისი - სექტემბერი, 1970
ჟანრი	კრაუტროკი ელექტრონული მუსიკა
ხანგრძლივობა	39:39
ლეიბლი	Philips
პროდიუსერი	კონი პლანკი, Kraftwerk
Kraftwerk — ქრონოლოგია
Tone Float Kraftwerk (1970) Kraftwerk 2 (1972)

პროფესიონალური რეიტინგები

მიმოხილვების ქულები
წყარო	რეიტინგი
Allmusic

Kraftwerk — გერმანული ელექტრონული ჯგუფ Kraftwerk-ის პირველი სტუდიური ალბომი, რომელიც გამოვიდა გერმანიაში, 1970 წელს და ჩაიწერა პროდიუსერ კონი პლანკის დახმარებით.

ისტორია

ალბომზე მუშაობისას ჯგუფმა იმუშავა ორ დრამერთან - ანდრეას ჰოფმანთან და კლაუს დინგერთან. მათი დაკვრის სტილის გამო ალბომს ოდნავ დაჰკრავს მძიმე როკის ჟღერადობა. ეს დისკს საკმაოდ განასხვავებს შნაიდერის წინა კოლექტივისგან Organisation, ან შემდეგი ორი ალბომისგან, Kraftwerk 2 და Ralf und Florian, რომლებიც ჩაიწერა ჰიუტერისა და შნაიდერის დუეტის მიერ. მოგვიანებით დინგერმა აღნიშნა, რომ იგი უკრავს ფირფიტის მეორე მხარეს, ხოლო ჰოფმანი - პირველ მხარეს, რომელზეც მუშაობა უკვე დასრულებული იყო, სანამ დინგერი მოვიდოდა სტუდიაში.

ინსტრუმენტული ფრაგმენტებიდან აღსანიშნავია ჰიუტერის სოლო პარტიები ჰემონდის ორგანსა და ელექტრონულ ბასზე სახელწოდებით 'ტუბონი'. პარალელურად შნაიდერი უკრავს ელექტრობულ ფლეიტაზე (Ruckzuck), ელექტრონულ ვიოლინოსა და გიტარაზე.

ალბომზე არ არის ვოკალური პარტიები და მხოლოდ სიმღერების Ruckzuck და Stratovarius ფრაგმენტები არიან ახლოს სტრუქტურულ როკ სიმღერასთან. Ruckzuck ჩაწერილი იქნა სატელევიზიო გადაცემისათვის ჯგუფის Organisation მიერ. ეს არის შავ-თეთრი ფირი ჰიუტერის, შნაიდერისა და დინგერის მონაწილეობით.

გარეკანის დიზაინი, რომელიც ჰიუტერს ეკუთვნის, არის ენდი უორჰოლის გავლენის მატარებელი. მასზე გამოსახულია საგზაო კონუსი, რომელიც უორჰოლის სტილშია დახატული. გარეკანის შიდა ნაწილზე გამოტანილია ელექტროსადგურის სურათი, რომელიც გადაიღეს დუსელდორფერლმა მხატვრებმა ბერნდმა და ჰილა ბეხერმა, რომლებიც უფრო ცნობილები არიან ფოტოგრაფიული ნამუშევრებით 'ტიპოლოგიები', სერიით, რომელშიც ერთმანეთს ერწყმის ინდუსტრიული ქალაქის ელემენტები და ეძღვნება საზოგადოებას, რომელმაც იგი ააშენა.

გიტარის მიხაელ როტერი შეუერთდა ჯგუფს ამ ალბომის ჩაწერის შემდეგ. იმავე პერიოდში ჰიუტერმა დროებით დატოვა კოლექტივი (1971). სამი ადამიანისგან შემდგარი Kraftwerk გამოვიდა ტელეეთერით გადაცემაში Beat-Club. ამის შემდეგ დინგერმა და როტერმა შექმნეს ცალკეული პროექტი, ჯგუფი Neu!, ჰიუტერი კი შეუერთდა შნაიდერს. საგულისხმოა, რომ ორივე ჯგუფს როგორც პროდიუსერი კურირებდა კონი პლანკი.

ალბომის არც ერთი სიმღერა არ შესრულებულა ცოცხლად ტურის Autobahn (1975) შემდეგ. დღემდე ალბომი ოფიციალურად არ გამოცემულა კომპაქტ დისკის სახით, მით უმეტეს, რომ Kraftwerk მას ნაკლებ ყურადღებას ანიჭებს. მიუხედავად ამისა, ალბომის მეკობრული ასლები ვრცელდებოდა 1990იანი წლებიდან, ლეიბლების Germanofon და Crown მიერ.

Ruckzuck გამოიყენებოდა შოუში ნიუტონის ვაშლი (მინეაპოლისი), ჯგუფთან შეუთანხმებლად. მოგვიანებით უცნობმა შემოქმედებითმა ჯგუფმა გადაცემისათვის დაწერა მისი საკუთარი ვერსია.

სიმღერების სია

ყველა სიმღერის ავტორი — რალფ ჰიუტერი და ფლორიან შნაიდერ-ესლებენი.

მხარე 1
#	სახელწოდება	ხანგრძლივობა
1.	„Ruckzuck“	7:47
2.	„Stratovarius“	12:10

მხარე 2
#	სახელწოდება	ხანგრძლივობა
3.	„Megaherz“	9:30
4.	„Vom Himmel hoch“	10:12

პერსონალი

• რალფ ჰიუტერი – ორგანი, ტუბონი, ყდა
• ფლორიან შნაიდერი – ფლეიტა, ვიოლინო, ელექტრონული პერკუსია
• ანდრეას ჰოფმანი – დასარტყმელი საკრავები
• კლაუს დინგერი – დასარტყმელი საკრავები
• კონი პლანკი – ხმის ინჟინერი, პროდისერი
• კლაუს ლომერი – ხმის ინჟინრის დამხმარე

გამოცემები

ქვეყანა	თარიღი	ლეიბლი	ფორმატი	ნომერი კატალოგში
გერმანია	ნოემბერი, 1970	Philips	გრამფირფიტა	6305 058	გასაშლელი ყდა
საფრანგეთი	1973	Philips	გრამფირფიტა	9118 002	კონვერტი
ბრიტანეთი	მარტი, 1973	Vertigo	გრამფირფიტა	6441 077	ჯგუფის პირველი ორი გერმანული ალბომი ერთი გამოცემის სახით

ჩარტები

ყოველკვირეული ჩარტები

ჩარტი (1970)	უმაღლესი პოზიცია
გერმანია (Official German Charts)	30

რესურსები ინტერნეტში

• ინფორმაცია საიტზე Discogs