Kreien

Evit kêr alaman Kreien, gwelout Kreien (Alamagn).

Kreien patatez.

Kreien makaroni, keuz ha kig.

Kreien zo ur meuz poazhet er forn en ur plad bas, goloet gant paladur, keuz rasklet, vioù pe amann hag a zeu da vezañ ur greunenn rous ha brusk dindan grater ar forn. Servijet e vez en e blad-poazhañ end-eeun.

Kreien graet gant avaloù-douar

Ur meuz ordin eo e kalz broioù. Lakaet e vez en ur plad skejennoù avaloù-douar poazhet en dour, goloet gant keuz, ha poazhet e vez pep tra er forn. Ur soubilh a vez lakaet alies, bechamel, mornay hag all.

Kreien giz Daofinez

Evit ober kreien giz Daofinez eo ret lakaat skejennoù avaloù-douar en ur plad gant dienn ha kignen. Goloet e vez gant keuz pe vioù a-wechoù.

Kreien giz Savoia

Lakaet e vez skejennoù avaloù-douar ha keuz beaufort, amann ha bouilhoñs.

Janssons frestelse

Ar meuz svedat-se, hag a dalv kement ha « temptadur Jansson », zo kreien avaloù-douar, onion ha pesked-mir.

Kreien toazennoù, kig ha/pe legumaj

Toazennoù a c'hall bezañ lakaet e-lec'h avaloù-douar, evel penne, rigatoni, fusilli / spirelli pe tagliatelle.

Doareoù all d'ober :

• kreien endivez gant morzhed-hoc'h
• kreien kourjetez
• Parmigiana : kreien berjinez, tomatez, bruzun bara hag eoul olivez (meuz italian)
• kreien kaol-fleur
• kreien pinochez
• kreien butternut

Kreien boued-mor

Garlized a vez aozet er mod-se, gant tokoù-touseg ha keuz. Kreien toun ha kreien kregin-Sant-Jakez zo ivez. Gant meskl e vez graet ar meuz italian Cozze gratinate.

Kreien sukret

Gallout a reer ober kreien gant frouezh : ur meskad anezho, bananez...