Ksenia van Sint Petersburg
| Ksenia van Sint Petersburg | |
|---|---|
| Gebore | Omstreeks 1719–1730 |
| Oorlede | Omstreeks 1803 |
| Geëer in | Oosters-Ortodokse Kerk |
| Tot heilige verklaar | 6 Februarie 1988 deur die Russies-Ortodokse Kerk |
| Nagedagtenis | Kapel in Smolenski-begraafplaas |
| Feesdag | 24 Januarie (nuwe tyd: 6 Februarie) |
| Kenmerke | Geld aan armes uitgedeel, geklee in haar man se leëruniform |
Ksenia van Sint Petersburg (Russies: Святая блаженная Ксения Петербургская, Swjataja blazjennaja Ksenija Peterboergskaja; omstreeks 1719–1730 – omstreeks 1803) is ’n beskermheilige van Sint Petersburg wat volgens oorlewering ná die dood van haar man al haar besittings aan die armes uitgedeel het.
Sy is as Ksenia Grigorijewna Petrowa (Ксения Григорьевна Петрова) in Sint Petersburg gebore. Haar man was kolonel Andrei Fjodorowitsj Petrof, ’n bevelvoerder in die Russiese leër. Ná sy dood sou Ksenia ’n dwaas vir Christus word en nog 45 jaar lank deur die strate van die stad loop, geklee in die uniform van haar man, en geld aan die minderbevoorregdes uitdeel.
Ksenia is in die Smolenski-begraafplaas begrawe. Daar is in 1902 ’n kapel op dié plek aangebring. Sy is in 1988 deur die Russies-Ortodokse Kerk as heilige verklaar. Haar feesdag is op 24 Januarie volgens die Juliaanse kalender (6 Februarie volgens die Gregoriaanse kalender).
Eksterne skakels
[wysig | wysig bron]
Wikimedia Commons het meer media in die kategorie Ksenia van Sint Petersburg.
Hierdie artikel is vertaal uit die Nederlandse Wikipedia
Normdata  |
|
|---|