Lélé

Lélé
Klasifikasi ngèlmiah
Karajan: Animalia (Kéwan) Filum: Chordata Kelas: Pisces Ordo: Ostariophysi Kulawarga: Clariidae
Jeneng jinis
Lélé

Iwak lélé, iku sajinising iwak loh. Lélé awake dawa lan lunyu.

Jeneng-jeneng lélé ing Nusantara

Ing bumi Nusantara, iwak lélé nduwé akèh jeneng-jeneng tlatah, ing antarané: ikan kalang (Sumatra Kulon), ikan maut (Gayo lan Acèh), ikan pintet (Kalimantan Kidul), ikan keling (Makassar), ikan cepi (Sulawesi Kidul), utawa ikan keli (Malaysia).

Banjur ing nagara liya diarani mali (Afrika), plamond (Thailand), gura magura (Srilangka), ナマズ (Jepang) dan 鲇形目 (Cina). Ing basa Inggris uga diarani catfish, siluroid, mudfish lan walking catfish.

Habitat

Panèn lélé

Iwak lélé ora tau tinemu ing banyu payo utawa banyu asin, kejaba iwak lélé sagara. Habitaté ana ing kali sing iliné alon, rawa, tlaga, wadhuk, lan sawah sing kekum banyu. Malahan iwak lélé bisa urip ing banyu sing reged, contoné ing pacerèn, got-got lan selokan pambuwangan.

Iwak lélé asifat nocturnal, ya iku aktif obah golèk pangan yèn bengi. Yèn awan, iwak lélé namun meneng waé lan ndelik ing papan sing peteng-peteng. Ing ngalam iwak lélé mijah ing mangsa rendheng.

Kagunan

Lélé dikembangbiakaké ing Indonésia kanggo konsumsi lan uga kanggo njaga kwalitèt banyu sing kacemar. Kerep lélé didokok ing papan sing reged-reged amarga bisa ngilangi reregedan. Anging lélé sing didokok ing papan sing reged-reged, kudu diberok dhisik sadurungé siyap dikonsumsi manungsa. Diberok iku tegesé diresiki nganggo banyu mili.

Sok-sokan lélé uga didokok ing sesawahan kanggo mangan ama-ama sing ana ing kono.

Jinis-jinis kang dibudidaya

• Clarias batrachus, uga diarani lélé jawa (Jawa), iwak kalang (Sumatra Kulon), iwak maut (Sumatra Lor), lan iwak pintet (Kalimantan Kidul).
• Clarias teysmani, uga diarani lélé Kembang (Sundha), kalang putih (Sumatra Kulon).
• Clarias melanoderma, uga diarani ikan duri (Sumatra Kidul), wais (Jawa Tengah), wiru (Sundha).
• Clarias nieuhofi, uga diarani iwak lindi (Jawa), iwak limbat (Sumatra Kulon), iwak kaleh (Kalimantan Kidul).
• Clarias loiacanthus, uga diarani iwak keli (Sumatra Kulon), iwak penang (Kalimantan Wétan).
• Clarias gariepinus, uga diarani lélé dhumbo, King cat fish, asalé saka Afrika.

Uga delengen

• Pratélan iwak
• Iwak
• Pecel lele

Pranala njaba

• Prakawa iwak lélé saka IPTEK. Salah sijining sumber artikel iki. Archived 2007-09-27 at the Wayback Machine.