Lausa Harana

Lausa Harana
Espainiako udalerria
Irudi gehiago
Administrazioa
Estatu burujabe	Espainia
Autonomia	Gaztela eta Leon
Probintzia	Burgosko probintzia
Alkatea	Juan Antonio Gutiérrez Villaño (en)
Izen ofiziala	Valle de Losa
Posta kodea	09510
INEk ezarritako kodea	09908
Herriburua	El Cañón (en)
Geografia
Koordenatuak	42°59′12″N 3°13′09″W
Azalera	227,66 km²
Altuera	653 m
Mugakideak	Junta de Traslaloma, Mena Harana, Aiara, Urduña, Junta de Villalba de Losa, Gaubea, Valle de Tobalina, Merindad de Cuesta-Urria eta Medina de Pomar
Demografia
Biztanleria	501 (2023) 4 (2022)
199 (%39,7)   (%58,1) 291
Dentsitatea	2 bizt/km²
Informazio gehigarria
Ordu eremua	UTC+01:00
Matrikula	BU
valledelosa.es

Lausa Harana (gaztelaniaz: Valle de Losa) Burgosko probintziaren iparraldean dagoen ibarra eta udalerria da. Hainbat herrik osatzen dute, Quincoces de Yuso izanda nagusia.

Geografia

Lausa Harana Burgosko udalerria da, iparraldean Mena Harana eta Araba dituena; hegoaldean, Araba eta Valle de Tobalina; ekialdean, Junta de Villalba de Losa; eta mendebaldean, Junta de Traslaloma eta Medina de Pomar.

Hidrografia

Udalerria Mediterraneoko arroan dago, Kantauriarekiko banalerroaren hegoaldean, Peña mendiek, Carbonilla mendilerroak eta Gorobel mendilerroak osatuta, eta bertan dago Santiago Mendiko Monumentu Naturala, udalerriaren ekialdeko mugan.

Ibairik garrantzitsuena Jerea ibaia da, Cillaperlata parean Ebroren ezkerraldeko ibaiadarra. Ibaia Carbonilla mendilerroan jaioa da, Relloso herriaren ondoan, eta iparraldetik hegoaldera zeharkatzen du udalerria Quintanilla La Ojadaraino, Merindad de Cuesta-Urriatik bokaleraino jarraituz. Ezkerretik jasotzen ditu Nabon ibaiaren eta La Losa eta Horcon erreken urak.

Haranaren zati bat.

Herriak

• Aostri de Losa
• Baró
• Barriga
• Cabañes
• Calzada de Losa
• Castresana
• Castriciones
• Fresno de Losa
• Hozalla
• Lastras de Teza
• Lastras de la Torre
• Llorengoz
• Mambliga
• Quincoces de Suso (biztanlerik gabe)
• Quincoces de Yuso
• Quintanilla la Ojada
• Relloso
• Río de Losa
• San Llorente
• San Martín de Losa
• San Miguel de Relloso
• San Pantaleón de Losa
• Teza de Losa
• Vescolides
• Villabasil
• Villacián
• Villalambrús
• Villaluenga
• Villaño

Demografia

Bilakaera demografikoa

1991		2000		2001		2002		2003		2004		2005		2006		2007
741		670		665		651		631		621		611		610		612

Ekonomia

Bailarako ekonomia nekazaritzan, abeltzaintzan eta industria txikian oinarritzen da batez ere. Higiezinen sektorean, bertokoentzako etxebizitzak eraikitzen dituzte, eta batez ere, udatiarrentzako edo bertoko seme-alaben bigarren bizitokirako. Badaude haranean bere lehen etxebizitza hartzera doazen bizkaitarrak ere.

Lehorreko zereala laborantza nagusia da; partzelaren batez besteko tamaina 3,5 hektareakoa da, eta 2 hektareakoa ureztatua. Baita patataren tuberkuluaren hazkuntzarena ere, "Lausako patata" jatorri-deitura duena.

Turismoa ere erakartzen du. Oteon eta Quincocesen landetxeak daude. Fraile eta Peña tontorretarako ibilbideak ere egiten dituzte.

Ondasunak

Udalerriak kultura ondasun izendaturiko sei eraikin ditu:

• Lastras de la Torreko dorrea.
• Río de Losako dorrea.
• San Llorenteko dorrea.
• San Llorenteko dorretxea.
• San Martín de Losako "Los Casarejos" erromatar villa
• San Pantaleón de Losako baseliza.

Kanpo estekak

• Datuak: Q1642733
• Multimedia: Valle de Losa / Q1642733