Lenapilare

Lenapilare-natuurpark*
Unesco-wêrelderfenisterrein
Die pilare soos gesien van ’n rivierboot af.
Koördinate: 60°56′54.4″N 125°59′6.1″O
Lande	Rusland
Tipe	Natuurlik
Kriteria	viii
Verwysings	1299
Streek†	Europa
Inskripsiegeskiedenis
Inskripsie	2012  (36ste Sessie)
* Naam soos dit in die Wêrelderfenislys verskyn. † Streek soos deur Unesco geklassifiseer.

Die Lenapilare (Russies: Ле́нские столбы́, Lenskije Stolbi) is ’n natuurlike rotsformasie aan die oewers van die Lenarivier in die verre Oos-Siberië. Die pilare is 150 tot 300 m hoog en is in van die Kambriese seebekkens gevorm. Die Lenapilare-natuurpark is van 2012 af ’n Unesco-wêrelderfenisgebied.

Die Lenapilare en Lenarivier.

Die terrein is minder as ’n dag se reis van die stad Jakoetsk, die hoofstad van die Republiek Sacha, af. Die pilare bestaan uit wisselende lae kalksteen, mergel, dolomiet en leisteen uit die vroeë tot sentrale Kambrium-periode wat ruwe punte gevorm het vanweë erosie.

Toerisme

’n Riviervaart kan deur ’n reisagentskap in Jakoetsk gereël word. ’n Mens kan ook op ’n toer gaan wat die Baikalmeer insluit, maar moet in gedagte hou Jakoetsk is die koudste stad ter wêreld en die riviervaarte begin sowat 1 400 km van die meer af.

Daar is min moderne geriewe in dié deel van Siberië, behalwe as ’n mens met ’n passasierskip op die Lena vaar.

Staproetes in die gebied is steil en soms gevaarlik.

Eksterne skakels

• Wikimedia Commons het meer media in die kategorie Lenapilare.
• Hierdie artikel is vertaal uit die Engelse Wikipedia