Lewis Carroll

Lewis Carroll
Lewis Carroll
	Carroll in 1863
Gebore	Charles Lutwidge Dodgson; 27 Januarie 1832; Daresbury, Cheshire, Engeland
Sterf	14 Januarie 1898; Guildford, Surrey, Engeland
Beroep	Skrywer, wiskundige
Nasionaliteit	Verenigde Koninkryk
Noemenswaardige werke	Alice's Adventures in Wonderland; Throagh the Looking Glass
Handtekening

Lewis Carroll (1832–1898) was 'n Britse skrywer van beroemde kinderverhale, soos Alice se avonture in Wonderland en Alice deur die spieël. Sy regte naam was Charles L. Dodgson. Hy was 'n wiskundedosent aan die Universiteit van Oxford.^[1]

Lewensloop

Charles Lutwidge Dodgson is op 27 Januarie 1832 in Daresbury, Cheshire in Engeland gebore. Hy was die derde kind en die oudste seun in 'n gesin van elf kinders. In Januarie 1851 vertrek hy na Oxford, waar hy in 1854 cum laude in wiskunde van die Christ Church-kollege afstudeer. Later word hy dan ook 'n lektor daar.

Nadat Alice's Adventures in Wonderland in 1865 verskyn het, het hy talle positiewe resensies in die pers ontvang. In 1866, 1867 en 1868 verskyn daar elke jaar 'n nuwe uitgawe.^[2] Daarna is die boek tussen 1869 en 1889 ses-en-twintig keer in Engeland herdruk ^[3] en begin talle vertalings daarvan in ander lande te verskyn (onder andere in Afrikaans).

In 1871 word 'n opvolg van sy beroemde boek onder die titel Through the Looking-Glass, and What Alice Found There gepubliseer. Sy verwronge roem en rykdom het egter sy werk as wetenskaplike oorskadu. Hy was tot 1881 'n dosent aan Oxford se Christ Church-kollege. Ná sy aftrede skryf hy die tweedelige Silvie and Bruno (1889–1893).

Dodgson sterf op 14 Januarie 1898 aan longontsteking in Guildford, waar hy ook begrawe is. Hy was 65 jaar oud.

Werke

Literêre werke

La Guida di Bragia, 'n opera-ballade vir die marionetteater (ongeveer 1850)
Alice's Adventures in Wonderland (1865)
Phantasmagoria, and other poems (1869). 'n Versameling gedigte.
Through the Looking-Glass, and what Alice found there (sluit "Jabberwocky" en "The Walrus and the Carpenter" in) (1871)
Pillow Problems
The Hunting of the Snark (1876)
Rhyme? and Reason? (1883) 'n versameling gedigte, insluitende Phantasmagoria en The Hunting of the Snark
A Tangled Tale (1886)
Sylvie and Bruno (1889)
Sylvie and Bruno Concluded (1893)
Three Sunsets and other poems
What the Tortoise said to Achilles (1895)

Wiskundige werke

A syllabus of Plane Algebraic Geometry (1860)
The Fifth Book of Euclid treated algebraically (1858 and 1868)
The Alphabet Cipher.
An elementary treatise on determinants, with their application to simultaneous linear equations and algebraic equations
Euclid and his modern rivals (1879)
Symbolic Logic Part I
Symbolic Logic Part II (postuum gepubliseer)
The Game of Logic
Some popular fallacies about vivisection
Curiosa Mathematica I (1888)
Curiosa Mathematica II (1892)
The Theory of Committees and Elections (1958)

Afrikaanse vertalings

Avonture van Alida in Towerland, 'n vertaling deur Tannie (pseudoniem), 1934, Londen: Macmillan & Kie. Bpk. OCLC 12333342
Alice se Avonture in Wonderland, 'n vertaling deur André Brink, 1965, ISBN 978-0-7981-5151-1
Alice deur die spieël, 'n vertaling deur André Brink, 1968, OCLC 750093526

Verwysings

↑ HAT Taal-en-feitegids, Pearson, Desember 2013, ISBN 978-1-77578-243-8
↑ Brown, Sally N. (2009). The Original Alice. The Folio Society. p. 25.
↑ Brown, Sally N. (2009). The Original Alice. The Folio Society. p. 26.

Eksterne skakels

Lewis Carroll in die Internet-rolprentdatabasis

[HAT_Taal-en-feitegids-1] HAT Taal-en-feitegids, Pearson, Desember 2013, ISBN 978-1-77578-243-8

[2] Brown, Sally N. (2009). The Original Alice. The Folio Society. p. 25.

[3] Brown, Sally N. (2009). The Original Alice. The Folio Society. p. 26.

[1]

[2]

[3]