Lidje-Bastogne-Lidje

Lidje-Bastogne-Lidje, c' est l' pus viye des coûsses a velo d' on djoû. Ele date di 1892.

Ele si passe e moes d' avri, di Lidje a Bastogne aliertoû.

Ele fwait 260 kilometes.

Istwere

E 1892, ci fourit on Spå Lidje et rivni. Adon, gn aveut k' les ritches ki s' polént atchter on velo. C' esteut cåzu tos Lidjwès. Gn ava 33 coreus å depårt et 17 a l' arivêye.

Li coûsse n' est pus organizêye di 1895 a 1907.

E 1908, ele ratake. Ele serè co rsaetcheye do calindrî tins del prumire et deujhinme guere mondiåles.

Voye

Divins les 95 prumîs kilometes, di Lidje a Bastogne, gn a waire di montêyes. Ci n' est k' e-z eralant so Lidje ki les coreus rescontrèt les bosses et les fosses del vå d' l' Aiwe d' Oûte.

Paregzimpe, e 2024, tot rivnant d’ Bastogne, après Wîcoû et divant d’ ariver a Oufalijhe, ele bratchive a droete, dins les ptitès voyes ås racatoûnreyes et passer paL Visroûle et pu Tavni. Adon, rprinde a gåtche so Ceturu, Stinbay, Limerlé et Gouvi.

Kékes prumîs

Léon Houa: 1892, 1893 et 1894 (troes prumirès coûsses).
Alfons Schepers: 1929, 1931 et 1935.
Ferdi Kübler: 1951 et 1952.
Fred De Bruyne: 1956, 1958 et 1959.
Eddy Merckx: 1969, 1971, 1972, 1973 et 1975
Bernard Hinault: 1977 et 1980
Moreno Argentin: 1985, 1986, 1987 et 1991
Alexandre Vinokourov: 2005 et 2010
Alejandro Valverde: 2006, 2008, 2015 et 2017
Remco Evenepoel: 2022 et 2023