Lizsauh

Lizsauh《离骚》

Cangoz(Cuj) Giz Yenz 战国（楚）屈原

Gyangz naek lai ha ut raemx da, danq seiqvunz roen hojnanz.
 长太息以掩涕兮，哀民生之多艰。
Gou maij ndangseuq ha hoeng deng cainanh, haet bae hwnjcauz haemh deng yiemz.
余虽好修姱以鞿羁兮，謇朝谇而夕替。
Aenvih aeu nyahom guh saihwet ha deng mienx, youh naeuz gyaezmaij vahau deng gya coih.
既替余以蕙纕兮，又申之以揽茞。
Gij neix cungj dwg ha sim gou gyaezmaij, couhsuenq dai bae gouj mbat hix mbouj ienq.
亦余心之所善兮，虽九死其犹未悔。
Ienq vuengzdaeq ha mbouj you mbouj heiq, cungj mbouj rox gij naemjsiengj gou.
怨灵修之浩荡兮，终不察夫民心。
Gyoengq sau fugsaeh haenx ha da’nding gou gyaeundei, luenhgangj vahgyaj naeuz gou dwg iugvaiq.
众女嫉余之蛾眉兮，谣诼谓余以善淫。
Gyoengq vunz damdoz mingzleih ha yienzbonj couh hamz, gijmaz gvigawj cienzbouh mbouj gangj.
固时俗之工巧兮，偭规矩而改错。
Mbouj souj gvigawj ha gaenriengz yakrwix, doxceng bungjbauq guh vunz guh saeh.
背绳墨以追曲兮，竞周容以为度。
Youheiq nyapnyuk lai ha gou doeknaiq raixcaix, seizneix gadog gungzhoj dwgrengz lai lo.
忳郁邑余佗傺兮，吾独穷困乎此时也。
Gou cingznyienh sikhaek dai bae ha hawj minghoenz siksanq, bae hag guh bouxsimhamz gou guh mbouj daengz.
宁溘死以流亡兮，余不忍为此态也。
Gou bonj siengj youq dieg Lingzsoj ha caj yaep ndeu, daengngoenz yaep roengz bya bae laepmomj foemxfoemx.
欲少留此灵琐兮，日忽忽其将暮。
Gou roengzling Cihhoz ha daengx menh byaij, mbouj hawj daengngoenz depgyawj Byayenhswh.
吾令羲和弭节兮，望崦嵫而勿迫。
Diuz roen baihnaj ha gyaegyang raezlang, gou aeu bae gwnz bae laj damqra.
路曼曼其修远兮，吾将上下而求索！

Sawgej