Luek Balikpapan

Luek Balikpapan
Ti Luek Balikpapan ca.1910
Luek Balikpapan
Lokasion	Abagatan a daya nga Asia
Nagsasabtan	1°15′00″S 116°48′00″E
Kita	Luek
Patubo a nagan	Indones: Teluk Balikpapan  (Indones)
Pagpagilian ti labneng	Indonesia
Dagiti nagibasaran	Teluk Balikpapan: Indonesia National Geospatial-Intelligence Agency, Bethesda, MD, USA

Ti Luek Balikpapan (Indones : Teluk Balikpapan), ket ti maysa a luek ti Indonesia, iti asideg ti isla ti Borneo iti asideg ti siudad ti Balikpapan, Daya a Kalimantan, Indonesia. Ti kompania ti Indonesia iti Pertamina ket addaan iti kadakkelan a pagpapinuan iti lana iti akindaya a bangir ti luek.

Lokasion

Mabirukan ti Luek Balikpapan iti akinlaud a bangir ti Lingsat Makassar, iti abagatan-laud ti Taaw Pasipiko. Beddengan ti luek dagiti nadumaduma a lugar.

• Amianan : Rehensia ti Penajam Paser Utara
• Daya : Siudad ti Balikpapan
• Abagatan : Lingsat Makassar
• Laud : Siudad ti Penajam ken Rehensia ti Penajam Paser Utara.

Ti Luek Balikpapan ket isu ti sabangan dagiti nadumaduma a karayan a kas ti Karayan Wain sakbay a tumipon iti Lingsat Makassar.

Puerto ken pagsangladan

Adda dagiti nadumaduma a publiko a puerto a mabirukan iti Luek Balikpapan, kas ti:

• Pagsangladan ti Semayang, ti kadakkelan para iti pasahero ken awit para iti Siudad ti Balikpapan.
• Pagsangladan ti Kampung Baru, agserbi para iti pasahero a balsa iti Sulawesi
• Pagsangladan ti Kariangau, para iti balsa a mapan iti Siudad ti Penajam.
• Pagsangladan ti Penajam, para iti balsa mapan iti Siudad it Balikpapan.

Mabirukan pay dagiti pribado a puerto iti daytoy a lugar, a kas ti:

• Pertamina, iti akindaya a parte.
• Chevron, iti akinlaud a parte.
• Dagiti nadumaduma pay a kompania iti panagmina iti uging ket addaan kadagiti bukodda a puerto iti akinlaud ken ti akin-amianan a parte.

Dagiti akinruar a silpo

Dagiti midia a mainaig iti Luek Balikpapan iti Wikimedia Commons