Lumut daun
| ?Lumut daun | ||||||||||
|---|---|---|---|---|---|---|---|---|---|---|
 Lumut daun di tanah dan bawah puhun di Allegheny National Forest, Pennsylvania, Amirika Sarikat.
| ||||||||||
| Satatus palastarian | ||||||||||
|
Aman
| ||||||||||
| Klasifikasi ilmiah | ||||||||||
| ||||||||||
| Kelas[1] | ||||||||||
| Sinonim | ||||||||||
|
Lumut daun atawa lumut nang sabujurnya adalah tumbuhan nang tamasuk dalam divisi Bryophyta sensu stricto atawa Musci. Tumbuhan "lumut" nang umum biasanya marujuk ka kalumpuk ngini. Tumbuhan ngini adalah tumbuhan nang kada baisi daun wan tumbuhan nang spora. Lumut ngini disambat lumut sejati, karana baisi bagian utama tumbuhan nang lengkap, yakni akar (rizuid), batang, wan daun. Ada kira-kira 12.000 macam lumut daun nang ada di alam ngini.[2]
Lumut daun marupakan tumbuhan halus nang baisi batang a'incaan nang tumbuh tagak. Lumut ngini kada barikit ka wadah rikitannya, tapi baisi rambut-rambut rizuid nang barikit pada wadah buhannya tumbuh. Daunnya babantuk lambaran nang bapilin. Salah sabuting macam lumut nang ditahui urang adalah lumut gambut atawa Sphagnum sp. nang mana lumut ini tumbur di macam-macam tampat, tumatan matan hutan hujan trupis sampai ka kutub utara, nang mana baisi manfaat sagan maikat karbun urganik sakira karbundiuksida di bumi babanding.[2][3]
Babarapa lumut nang masuk dalam kalumpuk ini di antaranya Sphagnum fimbriatum, Spagnum palustre, Spagnum papillosum, Spagnum magellanicum, Fissidens atroviridis,Fissidens bryoides, Fissidens ceylonesis, Fissidens crasinnervis, Fissidens robinsonii, Polytricum commune, Pogonatum cirrhatum, wan nang lainnya.[2][4]
Paawakan
[babak | babak asal-mulanya]Maraga lumut daun hidup di macam-macam tanah di bumi, maka macam-macam jua paawakannya. Di tanah nang karing, lumut ini baisi talus nang kayak bantal, wan di atas tanah-tanah hutan rancak maulah sabuting lapis nang kaya kain baludru. Di dalam hutan-hutan trupis, batang wan cakangnya hibak lawan lumut ngini hingga maulah nang kaya bantal.[5]
Lumut ini baisi sumbu utama wan daun-daun nang bapilin atawa bilatiral wan kada tapi ada nang daunnya tasusun dua baris haja. Lumut daun nang baisi batang nang tarabah daun-daunnya rancak mahadap ka sabuting arah haja atawa tasusun dalam dua baris haja lawan baisi pamukaan atas wan bawah.[5]
Lumut ngini ada nang alat kalaminnya dua buting dalam satu tumbuhan, ada jua nang hanya baisi satu alat kalamin haja dalam satu tumbuhan. Alat kalamin ngini tadapat pada hujung batang atawa cakang. Daun-daun lumut nang paatasanya mangulilingu alat kalamin ngitu nang kaya hiasan kambang nang mangulilingi putik wan banang sari, nang mana daun-daun ngitu dingarani perianthium. Di alat kalamin lumut jua tadapat parafisa nang mana tamasuk urgan nang stiril. [5]
Lumut daun mamparbanyak diri inya lawan spura wan kawa manunjukakan panggantian turunan nang hantap. Walau spurufitnya balum manunjukakakn tumbuhan nang tapisah, buah tanaman lumut ngini tabantuk wan kawa dibidakan dalam tangkainya, kutak spura wan paralatannya sagan mangaluarkan spura nang tadiri atas tutup wan paristum, wan kaliptra atawa dinding arkigunium nang manyalimuti hujung spurufit. Ataupun kutak spura di pusat baisi jaringan stiril nang babantuk tabung wan dingarani kulumila.[5]
Manfaat
[babak | babak asal-mulanya]Lumut daun nang kaya Sphagnum rancak dipakai sagan mananam tanaman maraga kawa manahan manyarap banyu wan kada tapi babangai, walaupun kada tapi banyak ditambahi hurmun partumbuhan tanaman. Lumut ini jua baisi kandungan pinol, antikuman, wan macam-macam miniral nang kaya nitrugin, fusfur, kalium, kalsium, magnisium, mangan, wan lainnya.[6][7] Halian gasan manaman tumbuhan, Sphagnum jua kawa dipakai sagan mangganti kapas dalam pambadahan.[5]
Jujuhutan
[babak | babak asal-mulanya]- ^ Goffinet, Bernard (2004). "Systematics of the Bryophyta (Mosses): From molecules to a revised classification". Monographs in Systematic Botany. Molecular Systematics of Bryophytes. Missouri Botanical Garden Press. 98: 205–239. ISBN 1-930723-38-5.
- ^ a b c Tjitrosoepomo, Gembong (Januari 2023). Taksonomi Tumbuhan: Schizophyta, Thallophyta, Bryophyta, Pteridophyta (edisi ke-12 (Revisi)). Sleman, D.I. Yogyakarta: Gadjah Mada University Press. ISBN 9786233591454.
- ^ "Bogged down?". www.stockholmresilience.org (dalam bahasa Inggris). 2019-02-05. Diakses tanggal 2024-06-07.
- ^ Sujadmiko, Heri; Vitara, Pantalea Edelweiss (2021). Tumbuhan Lumut di Kampus UGM. Sleman, DI Yogyakarta: Gadjah Mada University Press. ISBN 9786023869442.
- ^ a b c d e Tjitrosoepomo, Gembong (2010). Taksonomi Tumbuhan Obat-Obatan. Sleman, DI Yogyakarta: Gadjah Mada University Press. ISBN 9794203009.
- ^ "Sphagnum Media Tanam Hemat Air". pustaka.setjen.pertanian.go.id (dalam bahasa Inggris). 2015-06-03. Diakses tanggal 2024-06-07.
- ^ Syafitri, Fitria Indah; Rahayu, Tintrim; Jayanti, Gatra Ervi (2024-01-29). "Potential of Ecoenzymes and N2 Nanobubbles on the Growth of Phalaenopsis sp. Orchid at the Acclimatization Stage". Jurnal ILMU DASAR (dalam bahasa Inggris). 25 (1): 41–48. doi:10.19184/jid.v25i1.40575. ISSN 2442-5613.