Luohe

Luohe (kinesisk: 漯河; pinyin: Luòhé) er eit byprefektur midt i provinsen Henan i det sentrale Kina. Byprefekturet har eit areal på 2 617 km² og hadde vel 2,5 millionar ibuarar i 2010.

Byprefekturet Luohe omfattar tre bydistrikt (区 qū) og to fylke (县 xiàn).

Næring

Dyrking og vidareforedling av kveite og mais er viktige for den lokale økonomien i Luohe. Byprefekturet er kjent for sin produksjon av skinke, firmaet Shuanghui (双汇) er største skinkeprodusenten i Kina. I byområdet er det mykje lettindustri som til dømes næringsmiddel-, papir-, lær-, sko-, tekstil- og sigarettindustri. samt elektronikkindustri.

Luohe har vore eit handelssenter sidan antikken.

Samferdsle

Jingguangbana, toglinja mellom Beijing i nord og Guangzhou i sør, har stoppestad her. Denne sterkt trafikkerte jarnbanelinja er også innom mellom andre Baoding, Shijiazhuang, Handan, Anyang, Zhengzhou, Wuhan, Changsha og Shaoguan.

Kinas riksveg 107 går gjennom området. Han fører frå Beijing til Shenzhen og er innom provinshovudstadene Shijiazhuang, Zhengzhou, Wuhan, Changsha og Guangzhou.

Kjelder

Denne artikkelen bygger på «Luohe» frå Wikipedia på bokmål, den 27. desember 2012.

Denne artikkelen bygger på «Luohe» frå Wikipedia på engelsk, den 27. desember 2012.