Mallo de Marmorés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pa atros usos d'a parola mallo, se veiga Mallo (desambigación), y pa Marmorés, se veiga Marmorés.

Mallo de Marmorés Cilindro de Marboré
Dende a punda de ras Crepas
Situación
Situación	Muga entre Fanlo y Bielsa (Uesca)
Latitut	42° 41′ N
Lonchitut	0° 01′ E
Vértiz cheodesico	Error d'expresión: operador / no asperau/0.pdf
Cheografía
Cordelera	Sierras interiors pirenencas
Sierra
Macizo	As Tres Serols
Altaria	3.328 m
Alpinismo
Primera puyada
Ruta mas fácil	Dende o cubilar de Góriz
Mapa

O Mallo de Marmorés (oficialment Mallo de Marmorés / Cilindro de Marboré, en castellano Cilindro de Marboré) ye un pico aragonés de 3.328 metros d'altaria d'o macizo d'As Tres Serols, dentro d'as sierras interiors prepirenencas^[1] y que se situa en a muga entre Espanya (Val d'Ordesa) y Francia (Circo de Gavarnía), estando encluso tanto en o espanyol Parque Nacional d'Ordesa y d'as Tres Serols como en o francés Parque Nacional d'os Pireneus. Dentro d'o macizo de Mont Perdito, as tres tucas mayors se conoixen como as As Tres Serols, d'as que o Mallo de Marmorés (3.328 m.) ye a mas occidental y siguen a Punta de Treserols (3.355 m.) y o Pico Anyisclo (3.263 m.).

O suyo nombre se debe a la suya cara Norte, una paret vertical redondiada con una forma que remera a un celindro cheometrico y a suya embotada se debe a que la mesma cara Norte xalapa o circo glacial de Marmorés, a on ye en l'actualidat l'ibón de Marmorés.

Rotas

L'amanamiento en vehiclo se fa por a parti espanyola dic'o tascal d'a Val d'Ordesa, ta continar a piet dic'o Cubillar de Góriz (2.190 m.), punto crucial ta la exploración de toda la comarca, y puyar por a mesma rota d'o Mont Perdiu dic'o ibón Chelau, ta esbarrar-se dimpués a la ezquierda enta la tuca d'o Mallo de Marmorés.