Mar de Tasman
(en) Tasman Sea  | |||||
 | |||||
| Sorte | Mar | ||||
|---|---|---|---|---|---|
| Epònemo | Abel Tasman (it)  | ||||
| Parte de | Osèano Pasìfego | ||||
| Liogo | |||||
| Nasion rivaresca | Austràlia e Nova Zełanda | ||||
| Rejon aministrativa | nisun vałore | ||||
| |||||
| Dati e sifre | |||||
| Prodondità | 5 994 m | ||||
| Mezura | 2 200 ( ) km | ||||
| Àrea | 2 300 000 km² | ||||
|
| |||||
El Mar de Tasman (in inglexe Tasman Sea, in maori Te Tai-o-Rehua) el xe un mar adiasente de l'Osèano Pasìfego Meridional.
El se ciama anca Mar de Tasmania. El so nome, riva diretamente o indiretamente, dal navigator ołandexe Abel Tasman, ke ga descoverto sti łoghi.
El se kata tra le koste orientałi de l'Austrałia e de ła Tasmania a est, e łe koste osidetałi de ìzołe de la Nova Xełanda a ovest. El komunica a nord ko el Mar dei Korałi, a sudest ko ła Gran Baja Austrałiana tramite el Streto de Bas, a sud e est ko l'Osèano Pasìfego, sia diretamente ke atraverso el Streto de Kuk che atraverso el Streto de Fovò. Al nord de l'Ixoła del Sud una so porxion se cama Baja de Tasman, mentre un altra Baja de Oro (in inglexe Golden Bay); preso l'ìzoła del Nord se kata ła Baja de Taranaki meridional inte el meridon e ła Baja de Taranaki setentrional a ponente.
Zeografia fixika
[canbia | canbia el còdaxe]El mar xe grando e fondo. I so fondałi i xe kostituii xeneralmente da krosta osèanika. Inteła so parte meridional se kata el Basin de Tasman, a nordovest ła Platea de Tasman, e a nordest el Basin de la Nova Kałedonia separà da ła Soja de Łord Hov e dal Platò de ła Cełenger (in inglexe Challenger Plateau).
Sto mar el koverse da ovest verso est un basin solkà da na dorsal oseanika inativa, el mikrocontinente somerso de Sełandia, e un inportante arko insułar. El se ga formà intel Senosoiko par l'apertura de na nova dorsal ke ga separà ła piataforma continental de l'Austrałia a ovest e keła de la Selandia a est. Le so koste orientałi ke se kata su un area a sismisità ełevata e ko vulcani ativi, podaria eser sogete a risco zunami.
Sto mar el xe atraversà inteła so parte osidental da ła korente kalda de l'Austrałia Oriental, inteła so parte oriental da na korente freda ke ła se destaka da ła Korente Antartega. Durante l'inverno austral in sto mar ghe xe de frecuente kondixion de buraska.
L'unica ìzoła notevołe al so interno ła xe keła de Łord Hau.
Zeografia umana
[canbia | canbia el còdaxe]I unici paexi ke łi se kata su łe so coste łi xe l'Austrałia e ła Nova Xelanda.
Le so sità pi grande łe xe ła metropołi de Sidnei, Okland, Niukastl, Uołongong e Obart; un inportante sentro de peska el xe Bega.
No el xe un mar partikołarmente peskoxo, ma se pol katar tòni e ostreghe al nord, bakała łongo łe coste de ła Nova Xełanda.
Inteła Baja de Taranaki meridional se estrae gas naturałe preso el kampo de Maui.
Altri Projeti
[canbia | canbia el còdaxe]
Wikimedia Commons el detien imàjini o altri file so Mar de Tasman
el detien schemi gràfeghi so
Linganbi foresti
[canbia | canbia el còdaxe]- (EN) Tasman SeaEnçiclopedia Britannica, Encyclopædia Britannica, Inc.
- (EN) Osèanografia del Mar dei Corałi e del Mar de Tasman
- (EN) Autorità dei parchi marini del Novo Gałes del Sud Archivià il 18 de marso 2012 in Internet Archive.
| Controło de autorità | VIAF (EN) 245388908 · GND (DE) 4384782-1 · BNF (FR) cb124248957 (data) · WorldCat Identities (EN) 245388908 |
|---|