Marc-Antoine Charpentier
Marc-Antoine CHARPENTIER [mark-antŭan ŝarpantje], (ĉirkaŭ 1640 - 1704) estas franca muzikisto naskita en Parizo. Unue studento de Giacomo Carissimi, li fariĝis kapelmajstro en Parizo ĉe la Kolegio de la Jezuitoj kaj poste en la Sainte-Chapelle. Li skribis dekojn da religiaj kaj liturgiaj muzikaĵoj, motetoj, oratorioj, mesmuzikaĵoj, operoj.
Unu el liaj verkoj estas aparte fama (Te Deum), ĉar ĝia komenca parto servas kiel oficiala muziko de la eŭropaj televid-elsendoj "Eŭrovido".
