Matola

Matola
Die Munisipale Raadskantoor van Matola
Matola
Koördinate: 25°58′2″S 32°27′24″O
Land	Mosambiek
Provinsie	Maputo
Hoogte	48 m (157 ft)
Bevolking
• Totaal	1 032 197
• skatting 2019	1 153 000
Tydsone	UTC+2 (SAT)

Matola is 'n stad in die suide van Mosambiek, wes van die nasionale hoofstad Maputo, met 1 032 197 inwoners (volgens die sensus van 2017). Matola is die hoofstad van die Maputo-provinsie en beskik sedert 1998 oor sy eie verkose stadsregering.

Die stad is 'n nywerheidsentrum en dien as 'n belangrike uitvoerhawe vir minerale soos chroom en ystererts vanuit Eswatini en Suid-Afrika. Matola beskik ook oor raffinaderye (wat tans nie in bedryf is nie) en 'n verskeidenheid ander nywerhede, wat onder meer seep en sement vervaardig en landbouprodukte verwerk. Die belangrikste nywerheid is 'n aluminiumsmeltery, wat in 2002 opgerig is en Mosambiek se bruto binnelandse produk meer as verdubbel het.

Matola is ook die naam van 'n klein rivier met 'n lengte van sowat 60 kilometer, wat die noordelike grens van die Matola-munisipaliteit vorm en in Maputobaai uitmond.

Die naam van die stad, wat ook algemeen as 'n van voorkom, is afgelei van Matsolo a Ronga, 'n koninkryk van die Ronga-stam, wat tot en met die aankoms van die eerste Portugese setlaars in die gebied bestaan het.

Verkeer in Matola