Naeltjies

Naeltjie
Wetenskaplike klassifikasie
Koninkryk:	Plantae
Filum:	Angiosperms
(geen rang):	Eudicots
(geen rang):	Rosids
Orde:	Myrtales
Familie:	Myrtaceae
Genus:	Syzygium
Spesie:	S. aromaticum
Binomiale naam
	Syzygium aromaticum; (L.) Merrill & Perry
Sinonieme
	Caryophyllus aromaticus L.; Eugenia aromatica (L.) Baill.; Eugenia caryophyllata Thunb.; Eugenia caryophyllus (Spreng.) Bullock & S. G. Harrison;

Naeltjies is die aromatiese blomknoppe van die naeltjieboom (Syzygium aromaticum) in die familie Myrtaceae. Hulle is inheems aan die Molukke-eilande in Indonesië en word algemeen gebruik as 'n spesery. Naeltjies word hoofsaaklik kommersieel geoes in Indonesië, Indië, Madagaskar, Zanzibar, Pakistan, Sri Lanka en die grootste produsent, Pemba-eiland, net langs die kus van Tanzanië.

Die naeltjieboom is 'n immergroen plant wat 8 tot 12 m hoog groei, met groot blare en blomme gegroepeer in terminale trosse. Die blomknoppe het aanvanklik 'n ligte kleur wat geleidelik groen word en dan na 'n helderrooi verander wanneer dit gereed is om te oes. Naeltjies word geoes op 1.5-2.0 cm lengte en bestaan uit 'n lang kelk wat eindig in vier verspreide kelkblare en vier ongeopende blare wat 'n klein sentrale bal vorm.

Gebruike

Terwyl dit histories in die Weste gebruik word vir tandpyn, het die Amerikaanse Food and Drug Administration (FDA) eugenol (een van die chemikalieë wat in naeltjieolie voorkom) se doeltreffendheid afgegradeer. Die FDA glo nou daar bestaan nie genoeg bewyse dat eugenol effektief is teen tandpyn nie. Naeltjieolie blyk veilig te wees om op die vel aan te wend.

Studies oor sy doeltreffendheid om koors te verminder, gebruik as 'n muskietafweermiddel, en om voortydige ejakulasie te voorkom, blyk onbeduidend te wees. Naeltjieolie kan bloedsuikervlakke verlaag. ^[1]

Die knoppies of ogies het anti-oksidant eienskappe. ^[2]

Naeltjieolie kan gebruik word om vis te verdoof en langdurige blootstelling aan hoër dosisse (die aanbevole dosis is 400 mg/l) word beskou as 'n menslike wyse van genadedood vir visse. ^[3]

Daarbenewens word naeltjieolie gebruik in die voorbereiding van 'n paar tandepastas, lakseerpille en "Clovacaine" oplossing, wat as 'n plaaslike verdowing gebruik word vir mondseertjies en -inflammasie. Eugenol word gemeng met sinkoksied om 'n tydelike tandvulling te vorm. ^[4]

Verwysings

↑ "Naeltjies (Eugenia aromatica) en naeltjieolie (Eugenol)". National Institutes of Health, Medicine Plus (in Engels). nlm.nih.gov. 15 Februarie 2012. Geargiveer vanaf die oorspronklike op 24 Julie 2010. Besoek op 7 September 2012.
↑ (en) Niwano, Y.; Saito, Keita; Yoshizaki, Fumihiko; Kohno, Masahiro; Ozawa, Toshihiko (2011). "Extensive screening for herbal extracts with potent antioxidant properties". Journal of Clinical Biochemistry and Nutrition. 48 (1): 78–84. doi:10.3164/jcbn.11-013FR. PMC 3022069. PMID 21297917.
↑ (en) Monks, Neale. "Aquarium Fish Euthanasia: Euthanizing and disposing of aquarium fish". FishChannel.com. Geargiveer vanaf die oorspronklike op 6 Oktober 2011. Besoek op 1 Augustus 2011.
↑ (en) Youngken, H.W. (1950). Text book of pharmacognosy (6de uitg.).

Hierdie artikel is in sy geheel of gedeeltelik vanuit die Engelse Wikipedia vertaal.

[1] "Naeltjies (Eugenia aromatica) en naeltjieolie (Eugenol)". National Institutes of Health, Medicine Plus (in Engels). nlm.nih.gov. 15 Februarie 2012. Geargiveer vanaf die oorspronklike op 24 Julie 2010. Besoek op 7 September 2012.

[2] (en) Niwano, Y.; Saito, Keita; Yoshizaki, Fumihiko; Kohno, Masahiro; Ozawa, Toshihiko (2011). "Extensive screening for herbal extracts with potent antioxidant properties". Journal of Clinical Biochemistry and Nutrition. 48 (1): 78–84. doi:10.3164/jcbn.11-013FR. PMC 3022069. PMID 21297917.

[3] (en) Monks, Neale. "Aquarium Fish Euthanasia: Euthanizing and disposing of aquarium fish". FishChannel.com. Geargiveer vanaf die oorspronklike op 6 Oktober 2011. Besoek op 1 Augustus 2011.

[4] (en) Youngken, H.W. (1950). Text book of pharmacognosy (6de uitg.).

[1]

[2]

[3]

[4]