Nanga Parbat
Nanga Parbat (8 126 m) es una montanha d'Imalaia situaa dins lo nòrd de Paquistan. Es la novena montanha mai auta dau monde e la mai auta entierament situaa en Paquistan. Son nom significa la « montanha nuda », mas es tanben subrenomaa la « montanha tuaira » ò la « montanha sauvatja » per los alpinistas. D'efiech, Nanga Parbat ocupa una plaça particulara dins l'istòria de l'alpinisme en causa de la dificultat e de la dangerositat de son ascension. Plusors expedicions foguèron ansin decimaas per d'avalancas e 31 alpinistas moriguèron sus sas pendas avans la premiera ascension realizaa lo 9 de julhet de 1953 per Hermann Buhl (1924-1957). En 2019, lo descòmpte macabre èra montat a 74 victimas per solament 322 capitaas.