Nationalstrooss 51

Nationalstrooss 51

D'N51 hei als Boulevard Grande-Duchesse Charlotte
Belair - Kierchbierg (Stad Lëtzebuerg)
Land	Lëtzebuerg
Gestioun	Administration des ponts et chaussées
Ufank	Lëtzebuerg, Nationalstrooss 4, Nationalstrooss 5A
Koordinaten	49°36'23,29"N, 6°7'11,42"O
Enn	Lëtzebuerg, Autobunn A1 (Lëtzebuerg)
Koordinaten	49°38'11,90"N, 6°10'47,53"O
Duerch	Lëtzebuerg
Längt	5,8 km
Vitesslimitatioun	50 km/h, 70 km/h
Informatiounen a Websäiten
P & Ch	Beschreiwung vum Stroossennetz
Fandom	Nationalstrooss 51

Laf an Uschlëss
Belair / Uewerstad		N 4 N 5A
		N 5 Av. Monterey Avenue du 10 septembre
		CR 211B Pl. Winston Churchill
		CR 211E Pl. Winston Churchill
		N 6 Arsenalstrooss Areler Strooss
Uewerstad		CR 211 Bd Joseph II
		CR 217 Av. de la Faïencerie
Lampertsbierg		N 52
Rout Bréck		N 7 Eecher Bierg Uelzecht CR 218 Rue St Mathieu CFL-Streck 1
Kierchbierg		Boulevard Konrad Adenauer
		Rue du Fort Niedergrünewald Rue du Fort Thüngen
		Rue Johannes Kepler Rue Galileo Galilei
		Rue Érasme Rue des Coquelicots
		Rue Richard-Coudenhove-Kalergi
		Rue Nicolaus Copernicus
		Boulevard Konrad Adenauer
		Rue des Labours
		Rue Alphonse Weycker Rue Marcel Fischbach
		Circuit de la Foire internationle
		Rond-point Serra Circuit de la Foire internationle Boulevard Pierre Werner
		A 1 Verdeeler Kierchbierg

D'Nationalstrooss 51 oder N51 ass eng Nationalstrooss um Territoire vun der Stad Lëtzebuerg.

Se fänkt um Belair op der Kräizung mat der N4 (Route d'Esch) an der N5A (Avenue Guillaume) un a leeft dann iwwer de Boulevard Grande-Duchesse Charlotte an iwwer d'Stäreplaz weider laanscht de Glacis (Fouerplaz), iwwer de Rond-point Schuman an d'Rout Bréck op de Kierchbierg, wou se iwwer d'Avenue John F. Kennedy bis bei de Rond-point Serra geet.

Hannert dem Rond-point huet se – um Verdeeler Kierchbierg – Uschloss un d'A1.

Vun do wou s'ufänkt bis op d'Héicht vun der Glaciskapell, ass se am Sens unique Richtung Süden.

D'N51 ass 5,8 km laang.

Entwécklung vun der N51

D'N51 ass ursprénglech just vum Belair bis op de Rond-point Schuman gaangen. Wéi 1996 de Stater Contournement opgaangen ass an déi ganz Streck vum Gaasperecher Kräiz bis op d'Grenz zu Miesenech als Autobunn A1 klasséiert gouf, ass déi fréier A1 um Kierchbierg (haut Avenue John. F. Kennedy) an eng Nationalstrooss deklasséiert ginn an dat Stéck gouf bei d'N51 derbäi geschloen.