Neyruz FR

Neyruz
	Blazono de Neyruz
	Blazono de Neyruz
	Preĝejo de Neyruz
	Neyruz
komunumo en Svislando
Kantono	Friburgo
Distrikto	Sarino
Koordinatoj	46° 46′ 7″ N 7° 3′ 57″ O / 46.76861 °N, 7.06583 °O (mapo)Koordinatoj: 46° 46′ 7″ N 7° 3′ 57″ O / 46.76861 °N, 7.06583 °O (mapo)
Nombro de loĝantoj	2126
Areo	5,54 km²
Alteco	692 m super marnivelo
Poŝtkodo	1740
Komunumkodo	2211
	Mapo de Neyruz
	Mapo de Neyruz
	v • d • r

- La mallongigo FR en Neyruz FR staras por la svisa Kantono Friburgo. Por aliaj signifoj de la nomo vidu sub Neyruz.

Neyruz (malnova germanlingva nomo Rauschenbach) estas komunumo en la distrikto Sarino en Kantono Friburgo, Svislando. Ĝi havis 2126 loĝantojn je la 31-a de decembro 2010.

Geografio

Neyruz situas en la Friburga Mezlando ĉe la norda bordo de la rivero Glano, proksimume 7 kilometrojn sudokcidente de la kantonĉefurbo Friburgo. La komunumo konsistas el la vilaĝo Neyruz kun la kvartaloj Le Rosset, Le Marchet kaj La Croix, kaj la setlejoj Le Plan kaj Nierlet-le-Toit.^[1]

La teritorio de la komunumo etendiĝas sur areo de 5,54 km², de kiuj 26,0% estas kovritaj de arbaro, 57,8% servas por agrikulturo kaj 13,3% por setlado. ^[2]

Najbaraj komunumoj

La komunumo Neyruz limas en nordo al Avry, en nordoriento al Matran, en sudoriento al Hauterive, en sudokcidento al Cottens, kaj en okcidento al La Brillaz.

Trafiko

Tra Neyruz pasas la kantona ĉefvojo n-ro 155 de Friburgo al Romont. La plej proksima alveturejo al la svisa aŭtovojo A12 situas proksimume 2 kilometrojn nordoriente de la komunumo en Matran. Per stacidomo ĉe la trajnlinio de Svisaj Federaciaj Fervojoj de Friburgo al Laŭzano la komunumo estas konektita al la publika transportreto.

Historio

La unua dokumenta mencio de Neyruz datiĝas el la jaro 1137 kiel Nuerus. Sur roka monteto dum la frua mezepoko ekzistis fortikaĵo. Neyruz dum mezepoko apartenis al la Senjorujo Arconciel. Ekde la mezo de la 15-a jarcento Neyruz apartenis sub la Novurba Flago al la Malnova Kamparo de Friburgo. Ekde la Helveta Revolucio de la jaro 1798 ĝis la akcepto de la nova kantona konstitucio en la jaro 1848 Matran apartenis al la distrikto Friburgo, tiam ĝi estis atribuita al la distrikto Sarino.^[3]