Niccolò Antonio Zingarelli

Niccolò (oder Nicola ) Antonio Zingarelli (* 4. April 1752 in Neapel; † 5. Mai 1837 in Torre del Greco, Provinz Neapel) weer en italieensch Komponist.

Leven

Zingarelli kreeg sien Utbillen an dat Konservatorium vun de Kark Madonna di Loreto in Neapel ünner de Leitung vun Fedele Fenaroli as ok later vun den Abbate Alessandro Speranza, en Schöler vun Francesco Durante.

1779 geev he sien Debüt an dat Teatro San Carlo mit de Oper Montezuma, de in de nächst Johren en groot Tall ünner stiegend Bifall upführt Opern folgen deen.

1792 wurr he to’n Kapellmeester vun en Mailänder Dom nömmt, 1804 wurr he pääpstlich Kapellmeester in Rom. Wiel he to sien Paapst Pius VII. hollen dee, full he in Ungnaad bi Napoleon I., wat hüm veranlaaten dee, 1812 weer nah Neapel torüch to gahn, wo he Direkter vun de königlich Musikschool San Sebastiano wurr un nah de Dood vun Giovanni Paisiello ok as Kapellmeester vun de Domkark bit to sien Dood en besünners fruchtbor Komponisten- un Lehrtätigkeit entfalten dee.

Een vun sien Schölers weer Francesco Morlacchi.

Wark un Bedüüden

Zingarelli gellt as en vun de letzten würdigen Komponisten vun de to Anfang vun dat 18. Johrhunnert vun Alessandro Scarlatti begrünnd neapolitaansch School.

Sien Opern, dorünner besünners Romeo e Giulietta weern in Europa bannig anseggt bit Rossini sien Uptreden harr. Ok sien Karkenkompositschonen, de besünners in sien letzt Johren entstahn sünd, staht an Gediegenheit ünner dejenigen vun de Komponisten ut sien Tiet babenan. To sien herutragend Schölers hörrn de dree bedüüdendst italieensch Opernkomponisten ut de Ära tüschen Rossini un Verdi: Vincenzo Bellini, Gaetano Donizetti un Saverio Mercadante.

Weblenken

Niccolò Antonio Zingarelli. Mehr Biller, Videos oder Audiodateien to’t Thema gifft dat bi Wikimedia Commons.

Basisindrag in dat Dizionario Biografico degli Italiani (ital., noch nich druckt, online bi Treccani.it)
Bibliographie vun de druckt Libretti vun Opern vun Zingarelli bi Italian Opera
Körtbiographie un Musikbispeel bi Italian Opera
DNB-Katalog