Noord

Noord;
	Region di Aruba
	Kapel Alto Vista anochi Faro California Misa Santa Ana Santana di Hato Cas Tan Tin
Division administrativo
Region	Noord/Tanki Leendert
Coordinatonan	12°33′48″N 70°1′54″W / 12.56333°N 70.03167°W
Poblacion
Poblacion; (2020)	24,194 habitante; 700 hab./km²
Proporcion ; di sexo	0.92
Vivienda	8,603 unidad
Mapa detaya di Noord
	Nota: Proporcion di sexo ta representa e cantidad di hende homber pa cada hende muhe.
	Imagennan riba Wikimedia Commons
	[Edita Wikidata] · [Manual]

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Noord, ta un luga na Aruba, cu ta situa den e parti panort di e isla. Huntu cu Tanki Leendert e ta forma e region di Noord/Tanki Leendert cu ta conta cu un poblacion di 16.944 habitante (2000). Esaki ta un region cu un poblacion creciente. Algun bario den Noord ta Malmok, Bakval, Westpunt, Alto Vista, Palm Beach, Washington, Koyari, Gasparito y Bubali.

Na costa west di Noord ta situa e zona turistico mas grandi di e isla. Aki tin concentra diferente compleho di hotel luhoso cu casino y un variedad di restaurant y shopping-malls. E playanan di Seco di Coco, Basiruti y Hadicurari ta conoci internacionalmente como Palm Beach. E caminda cu ta core na costa dilanti e hotelnan ta yama J.E. Irausquin Boulevard.

Demografia

Idioma

Un di tres parti (31.2%) di e poblacion di region Noord/Tanki Leendert ta unicamente papia Papiamento na cas. E proporcion aki di unicamente Papiamento ta mas abou cu averahe di Aruba (43.2%). Ademas, un cuart (25.3%) di Noord/Tanki Leendert ta papia di Papiamento y Spaño na cas. E proporcion aki ta mas halto cu e averahe di Aruba (18.9%). Tambe, un di dies parti (9.4%) di Noord/Tanki Leendert ta papia Papiamento y Ingles na cas, cual ta similar na e averahe di Aruba (9.4%). Similarmente, na Papiamento y Ingles, un di dies parti (9.7%) ta papia Papiamento y Hulandes na cas. E proporcion aki ta mas halto cu averahe di Aruba (6.8%). Alafin, mas cu un di cinco parti (22.4%) di Noord/Tanki Leendert no ta utilisa Papiamento como un di e dos idiomanan mas papia na cas. E proporcion aki ta mas halto cu e averahe di Aruba (18.6%).^[2]