Octave Mirbeau

Octave Mirbeau
Octave Mirbeau, franca verkisto
Persona informo
Octave Mirbeau
Naskonomo	Octave Henri Marie Mirbeau
Naskiĝo	la 16-an de februaro 1848 en Trévières, Francio
Morto	la 16-an de februaro 1917 en Parizo, Francio
Tombo	Tombejo de Passy vd
Religio	ateismo vd
Lingvoj	franca vd
Ŝtataneco	Francio vd
Familio
Edz(in)o	Alice Regnault vd
Infanoj	0
Parencoj	Claude Monet () vd
Profesio
Okupo	dramaturgo literaturkritikisto anarkiisto verkisto prozisto artokritikisto romanisto eseisto ĵurnalisto dramaturgo teatra kritikisto vd
Aktiva dum	1873–1913 vd
Verkado
Verkoj	Taglibro de ĉambristino vd
Membrecoj Membrecoj Franca ligo pri la defendo de la homaj rajtoj kaj de la civitano vd
En TTT	Oficiala retejo vd
Ekspoziciejoj Instituto de Arto de Minneapolis kaj Nacia Galerio de Arto vd
vd	Fonto: Vikidatumoj

Octave MIRBEAU (naskiĝis la 16-an de februaro 1848 en Trévières, mortis la 16-an de februaro 1917 en Parizo) estis franca verkisto, ĵurnalisto, artkritikisto, polemikisto, romanisto kaj dramverkisto.

Biografio

Mirbeau naskiĝis en Trévières (Calvados), la 16-an de februaro 1848.

Estis aŭtoro de fabeloj (Lettres de ma chaumière, 1885) kaj romanoj (L’Abbé Jules, 1888), liaj plej ŝatataj temoj estis la vivo de la normandaj kamparanoj. Liaj plej famaj romanoj estas Le Jardin des supplices (1899) kaj Le Journal d'une femme de chambre (1900). En 1903, komedio Les affaires sont les affaires (La negocoj estas la negocoj) , lia ĉefverko, faras skandalon.

En la jaro 1903 li fariĝis membro de la Académie Goncourt.

Al lia amikaro apartenis verkistoj kiaj Edmond de Goncourt, Guy de Maupassant, Stéphane Mallarmé kaj Émile Zola, pentristoj kiaj Claude Monet kaj Camille Pissarro, skulptisto kiaj Auguste Rodin kaj Aristide Maillol.

Mirbeau estas konata pro sia engaĝiĝo flanke de la maldekstrularo, dum la "bela epoko". Ties literatura verko, tre originala, estis markita de la anarkiismo kaj atakata de la kritikoj. Li politike aktivis kaj batalis por liberaliĝo de la socio kaj por Alfred Dreyfus, en la Dreyfus-afero.

Mirbeau mortis en Parizo la 16-an de februaro 1917.

Li estis influata de Jules Barbey d'Aurevilly, Edgar Poe, Lev Tolstoj kaj Fjodor Dostojevskij, kaj influis verkistojn kiel Léon Werth, Louis-Ferdinand Céline, Eugène Ionesco kaj Jean-Paul Sartre.

Octave Mirbeau pri la bezono de internacia lingvo

« La civilizacio ne faros grandan paŝon tiel longe, kiel la popoloj havos por sia uzo lingvojn diversajn kaj malamikajn, pro kio ili ne interkompreniĝas, unu restas kontraŭe fremda kontraŭ la alia. ... tio daŭros tiel longe, ĝis sur la surfaco de la tero estos unu lingvo. » El Paris-Espéranto, oktobro 1911 (citita en Pri internacia lingvo dum jarcentoj, Isaj Dratwer, Tel-Avivo. Memeldono. 1977).

Verkoj

Romanoj

Georges Jeanniot, Le Calvaire (1901)

• Le Calvaire (1886).
• L'Abbé Jules (1888).
• Sébastien Roch (1890).
• Dans le ciel (1892-1893).
• Le Jardin des supplices (La Ĝardeno de la torturoj) (1899).
• Le Journal d'une femme de chambre (Taglibro de ĉambristino) (1900).
• Les 21 jours d'un neurasthénique (1901).
• La 628-E8 (1907).
• Dingo (1913).
• Un gentilhomme (1920).

Noveloj

• Lettres de ma chaumière (1885).
• Contes cruels (1990).

Nefikcio

• L'Affaire Dreyfus (1991).
• Lettres de l'Inde (1991).
• Combats esthétiques (1993).
• Combats littéraires (2006).
• Correspondance générale (2003-2005-2009).
• La Grève des électeurs (1902).

Teatraĵoj

Ili estis frenezaj

• Les Mauvais Bergers, dramo (1897).
• Les affaires sont les affaires (Amikeco aparte, afero aparte), komedio (1903).
• Farces et moralités, komedioj (1904).
• Le Foyer, komedio (1908).

En Esperanto aperis

• Ili estis frenezaj (1905). (Ils étaient tous fous)

Eksteraj ligiloj

• Société Octave Mirbeau (Asocio de la amatoroj de Mirbeau).
• Octave Mirbeau (en lingvoj fr, en, it, es, de, pt, ru, hu, pl, ru).
• Yannick Lemarié - Pierre Michel, Dictionnaire Octave Mirbeau (en lingvoj fr).
• « Esperanto » Arkivigite je 2012-02-03 per la retarkivo Wayback Machine, Dictionnaire Octave Mirbeau.
• Octave Mirbeau, Éditions du Boucher (en lingvoj fr).
• Pierre Michel, Bibliographie d'Octave Mirbeau (en lingvoj fr).
• Octave Mirbeau, Ili estis frenezaj.