Okcidenta Bengalio

w1

Okcidenta Bengalio
Origina nomo	bengale পশ্চিমবঙ্গ
subŝtato de Barato
Administrado
Statuso	Federacia ŝtato de Barato
Estas parto de	Barato
Administra centro	Kolkato
Politiko
Estro	Mamata Banerjee (ekde 20-a de majo 2011)
Demografio
Oficiala lingvo	bengala
Loĝantaro (laŭ la stato de 2011)	91 347 736
Loĝdenso	1 029 loĝ./km²
Geografio
Areo	88 752 km² (8 875 200 ha)
Okcidenta Bengalio sur la mapo de Barato
Geografia situo	22° 34′ 0″ N, 88° 22′ 0″ O (mapo)22.56666666666788.366666666667 [+]
Kodoj
ISO 3166-2	IN-WB
Eksteraj paĝoj
www.wb.gov.in [+]
La kategorio en la Komunejo	Okcidenta Bengalio [+]

Bengala tigro

Okcidenta Bengalio aŭ Okcidenta Bengalujo (bengale পশ্চিমবঙ্গ; nepale पश्चिम बङ्गाल [poŝĉim bongo]) estas unu el la subŝtatoj de Barato. Ĝi troviĝas en la oriento de Barato, kaj ĝi limas kun Bangladeŝo. Kune kun Bangladeŝo, ĝi formas la kulturan regionon Bengalio, kiu estis dividita dum la milito de 1948.

Laŭ la stato de 2011 en la subŝtato vivis 91 276 115 loĝantoj sur areo de 88 752 kvadrataj kilometroj, kio rezultigas loĝdenson de 1 028 loĝantoj/km². Ĝi estas la plej dense loĝata regiono de Barato. Ĝia ĉefurbo estas Kolkato.

Ekonomio kaj politiko

La ekonomio de Okcidenta Bengalio baziĝas ĉefe sur agrokulturo. La provinca registaro estas koalicio de du partioj: All India Trinamool Congress kaj Indian National Congress. Ĝis la elektoj de 2011, la subŝtato estis regata de maldekstra koalicio gvidata de la Barata Komunista Partio. Tiu maldekstra partio regis la subŝtaton je 34 jaroj. Tiel ĝi iĝis la plej longdaŭra demokratie elektita komunista partio en la mondo.

Klimato

Okcidenta Bengalio havas tropikan klimaton, tio estas tre varma kaj humida somere kaj freŝa vintre. La teritorio estas ĉefe ebena, sed norde estas submontaro de Himalajo. En tiu regiono la distrikto de Darĝiling estas tutmonde fama pro la kultivo de teo. Pri naturo la ŝtato estas fama pro rezervejoj kaj laŭ ĝi nomiĝas la bengala tigro.

Loĝantaro

Plimulto de la loĝantaro estas bengaloj, kiuj loĝas ankaŭ en la oriente najbara ŝtato Bangladeŝo.

La oficiala lingvo de la provinco estas la bengala, kaj la plej granda religio estas la hinduismo, sed tamen estas granda islama minoritato. La regiono estas konsiderata unu de la plej intelekte viglaj de Barato, sed ankaŭ unu de la plej malriĉaj.

Historio

Tiu mondo-regiono estis sub hindua kontrolo ekde la 8-a jarcento ĝis la 13-a jarcento, kiam ĝi venis sub kontrolo de Islamo, kiu disvolvis ties ekonomion kaj komercon. La unuaj eŭropanoj alvenis dum la 15-a jarcento. La Brita Kompanio de Orientaj Indioj hejmiĝis fine de la 18-a jarcento.

Poste la tuta Hindio iĝis kolonio de la Brita Imperio. Tiu atingis sendependon post la Dua Mondmilito, kaj tuj pro kvereloj inter hinduoj kaj islamanoj, la lando estis dividita en du partoj -unu por islamanoj kaj alia por hinduoj. En 1947 Bengalio, kiu estis ĝis tiam provinco de Hindio, estis dividita en Okcidenta Bengalio (kiel subŝtato de Barato) kaj Orienta Bengalio (tiam regiono de Pakistano, kaj nuntempe sendependa ŝtato nome Bangladeŝo).

Pli gravaj urboj de Okcidenta Bengalio

Averto: La datenoj venis el la Germanlingva Vikipedio, tial ne estas la sama kun angla kaj aliaj listoj!

1. Kolkato 4 486 679
2. Haora 1 072 161
3. Siliguri 647 804
4. Bidhannagar 615 000
5. Durgapur 566 937
6. Asansol 564 491
7. Maheŝtala 448 317
8. Raĝpur Sonarpur 423 806
9. Suda Dumdumo 403 316
10. Bhatpara 390 467
11. Panihati 377 347
12. Kamarati 330 211
13. Bordoman 314 265
14. Kulti 313 809
15. Balli 293 373
16. Barasat 283 443
17. Dankuni 249 840
18. Norda Dumdum 249 142
19. Borahonogur 245 213
20. Uluberia 222 240
21. Noihati 217 900
22. Ĥargopur 206 923
23. Malda 205 521
24. Holdia 200 762
25. Modomgram 196 127
26. Baharampuro 195 223
27. Rajganĝ 183 612
28. Serampore 181 842
29. Hugli-Ĉuĉura 177 833
30. Midnapore 169 127
31. Ĉandanagar 166 949
32. Utturpara Kotrong 159 147
33. Ŝantipur 159 147
34. Balurghat 153 279
35. Kriŝnanagar 153,062
36. Barakpur 152 783
37. Habra 147 221
38. Bankura 137 386
39. Nabadvip 125 543
40. Basirhat 125 254
41. Purulia 121 067
42. Darĝiling 118 805
43. Bangaon 108 864
44. Ĥorda 108 496
45. Ĝalpajguri 107 341
46. Kaljani 100 620
47. Bolpur 80 210
48. Alipurduar 65 232
49. Murŝidabad 44 019
50. Ĝajnagor Maĝilpur 25 922
51. Farakka 21 834
52. Narendrapur sen dateno

Gravaj lokoj

• Nacia Parko Sundarbans

Famuloj de Okcidenta Bengalio

• Satyajit Ray
• Ravi Shankar
• Rabindranath Tagore
• Amartya Sen

Vidu ankaŭ

• Bengalaj islamanoj
• Bengaloj