Oldman (rivero)
| Oldman | |
|---|---|
 | |
| rivero | |
| Bazaj informoj | |
| Longeco | 362 km |
| Akvokolekta areo | 26 700 km² |
| Averaĝa trafluo | 95 m³/s |
| Fluo | |
| Enfluejo | Bow ĉe Grassy Lake |
| - Alteco | 701 m |
| Geografio | |
| Alfluantoj | vidu tekston |
 | |
| Rivero en Alberto | |
La Rivero Oldman estas rivero en la suda Alberto. Ĝi fluas de okcidento al oriento de la Rok-Montaro tra Fort Macleod, Lethbridge, kaj Taber ĝis Grassy Lake, kie ĝi kuniĝas kun la rivero Bow por formi la Sud-Saskaĉevanan Riveron.
La Oldman havas longecon de 362 km kaj akvokolektan areon de 26.700 km². Ĝia meznombra trafluo estas 95 m³/s.[1]
Historio
[redakti | redakti fonton]En 1990 la registaro de Alberto provis digi la Oldman, kio (inter alie) estus inundinta pejganan/Blackfoot tombejon. La Blackfoot, gviditaj de Milton Born With A Tooth, responde mem deflankigis la riveron, kio sekvigis armitan plenhalton[2]. Fine oni konstruis la digon tie kie la riversistemoj de la Oldman, Crowsnest, and Castle kuniĝas.
La indiĝenulaj rezervejoj Peigan Timber Limit B kaj IR 145 Peigan de la Nacio Piikani (Pejgana) kaj rezervejo IR 148 Blood de la Nacio Kainai (angle: Blood) troviĝas borde de la Oldman.
Alfluoj
[redakti | redakti fonton]
De sia fonto ĝis la buŝo, la Oldman ricevas akvon de:
- Rivero Livingstone (Livingstone River)
- Rivero Crowsnest (Crowsnest River)
- Rivero Castle (Castle River)
- Rivereto Pincher (Pincher Creek)
- Rivereto Beaver (Beaver Creek)
- Rivereto Willow (Willow Creek)
- Rivero Belly (Belly River)
- Rivero Waterton (Waterton River)
- Rivero St. Mary (St. Mary River)
- Rivereto Lee (Lee Creek)
- Rivero Malgranda Bow (Little Bow River)
Naturo
[redakti | redakti fonton]La fonto de la Oldman troviĝas en Natur-regiono Beehive[3], regiono de montara tundro kaj arbaroj de malnova piceo kaj abio. Poste ĝi trafluas Sovaĝejan Parkon Bob Creek[4] kaj Heredaĵan Ranĉlandon Black Creek[5]. Akvobaraĵo Oldman kaj Rivero Oldman estas aliaj Provincaj Distroterenoj kreitaj laŭ la rivero.
Fiŝoj
[redakti | redakti fonton]En la Oldman vivas diversaj fiŝ-specioj, inter ili la ĉielarka truto, truto cutthroat, truto bull, bruna truto, hibridaj trut-specioj (hibridaĵo de trutoj ĉielarka kaj cutthroat), rok-montara blankfiŝo, ezoko, ezoka perko, sturgo, katostomido, kaj fokseno.
Vidu ankaŭ
[redakti | redakti fonton]Referencoj
[redakti | redakti fonton]- ↑ Atlas of Canada Arkivigite je 2006-05-20 per la retarkivo Wayback Machine - Riveroj en Kanado
- ↑ Universitato de Lethbridge Arkivigite je 2013-09-24 per la retarkivo Wayback Machine - La digo ĉe rivero Oldman
- ↑ Alberta Community Development Arkivigite je 2004-08-13 per la retarkivo Wayback Machine - Natur-regiono Beehive
- ↑ Alberta Community Development Arkivigite je 2007-03-10 per la retarkivo Wayback Machine - Sovaĝejan Parkon Bob Creek
- ↑ Alberta Community Deveopment Arkivigite je 2004-08-13 per la retarkivo Wayback Machine - Heredaĵa Ranĉlando Black Creek
Eksteraj ligiloj
[redakti | redakti fonton]- Akvokolekta baseno de Rivero Oldman Arkivigite je 2005-01-12 per la retarkivo Wayback Machine
|
Gravaj riveroj: Atabasko • Beaver • Hay • Milk • Norda Saskaĉevano • Pac-rivero • Red Deer • Slavio • Suda Saskaĉevano
|