Operaco
 | Ĉi tiu artikolo temas pri aro da militaj agoj. Koncerne aliajn signifojn aliru la apartigilon Operacio. |
Operaco[1] (ankaŭ operacio[2]) estas parto de militarto, tuto de la bataloj, atakoj kaj manovroj, farataj de terarmeo, mararmeo kaj aerarmeo. Operaco estas gvidata de unu militestraro, por atingi konkretan celon kaj laŭ komuna esenca ideo.
Oni povas diri, ke operaco estas milita agado, kiu larĝas de eta batalo ĝis tuta armita konflikto (milito).
La ĉefa celo de la operaco povas esti kapto de milit-rimedoj (homoj, armiloj) kaj spaco (akvo, aero, lando) okupataj de la malamiko. Esenco de la operaco estas venki kontraŭ laŭeble malgranda kosto (perdoj de la soldatoj, detruo de la militŝipoj, aviadiloj ktp.), tial operaco celas direktigon de la plej granda forto al kapto de konkreta objekto, decida por povi plumiliti kontraŭ la malamiko. Tiu objekto povas troviĝi en la ariero: altranga stabo, ĉefaj komunikaj nodoj k.a.
Famaj operacoj
[redakti | redakti fonton]- Batalo de Anglio, aera kampanjo
- Operaco Marleono
- Operaco Barbaroso
- Operaco Anthropoid
- Operaco Market Garden
- Operaco Overlord
- Operaco aŭgusta ŝtormo
- Operaco Entebbe
- Operaco Anfal