Oregano

Dat artikel es geschreevn in 't Noordelik West-Vlams.

Oregano

Oregano in bloei

Ryk:	Plantae (Plantn)
Clade:	Angiospermae (Blommeplantn)
Clade:	Eudicotyln (Echte twèezoadlobbign of eudicots)
Orde:	Lamiales
Familie:	Lamiaceae (Lipblommefamilie)
Geslacht:	Origanum

Soorte

Origanum vulgare
L., 1753

Oregano (Origanum vulgare), ook wilde marjoleine of poaliengkruud genoemd, is e kruudachtige vaste plante van de lipblommefamilie (Lamiaceae).

't Is ofkomstig van 't Middellansche-Zeegebied. Hoe meer zunne de plante krygt, hoe meer aroma.

Kenmerkn

Oregano is e struukvormig kruud die 60 cm hoge kan kommn en styf vele bloarn droagt. De vele eyvormige, spitse bloarn wordn 1-4 cm lank. De klokvormige blommekelkn zyn bleekroze toet wit.

Mythologie

Oregano zou deur de Grieksche godinne Aphrodite toet symbool gemakt zyn vo de vrede. Trouwers kreegn e kranse van oregano en loater wierd 't kruud gebruukt vo te verzeekern dat de liefde zou bluuvn bestoan.

Geneeskunde

Oregano helpt teegn diarree en moagzeer. 't Bevordert den hoenger en 't zoudt helpn by moend-en keeloentsteekiengn. Oregano hèt oentsmettnde en antibacteriële eygnschappn die surtout by hoestn en andoeniengn van de luchtweegn van passe kommn.

Keukn

Oregano smakt kruudig, e bèetje zoete en fris. 't Is 't klassiek kruud vo pizza's en pasta mè fruutige en kruudige sausn. 't Past ook goed by groensels lyk aubergines, courgettes en paprika's, moar ook by petattegerechtn en vlees van zwyns en runders.

Oregano is gedroogd of ves te krygn. Gedroogde oregano hèt e styf sterke geure. 't Goa styf goed t'hope mè rozemareyn en tym. In Mexico wordt oregano gemiengeld mè chilipoeier vo chili con carne te kruudn.

Bloarn
Veldhommel ip oregano
Gedroogde oregano

Ofbeeldiengn die ier by passn ku je vien in de categorie Origanum vulgare van Wikimedia Commons.