Oyapock

Oyapock (Wiapoco (nl , Oiapoque (pt)
Lo saut Maripa sus Oyapock.
Oyapock : frontièra Guaiana-Brasil
Caracteristicas
Longor	403,4 km
Bacin	26,820 km2
Debit mejan	835 m3⋅s-1 (Maripa)
Riu
Font	font
· Coordenadas	2° 11′ 18″ N, 53° 16′ 29″ E
Embocadura	Ocean Atlantic
· Coordenadas	4° 14′ 23″ N, 51° 37′ 37″ E
Geografia
Païses traversats	França (riba esquèrra) Brasil (riba drecha)

L'Oyapock, ancianament Wiapoco, en neerlandés e en portugués Oiapoque, es un flume que marca la frontièra entre Brasil e França en Guaiana dempuèi 1713 amb la signatura del tractat d'Utrecht. Mas, aquesta frontièra foguèt reconeguda per França sonque qu'après un arbitratge internacional en 1900; França estimava en que la Guaiana francesa s'espandissiá fins al Rio Araguari.

Geografia

De 403,4 km de longor en França, sa font es al Brasil, Estat d'Amapá, al Nòrd de la Serra Uassipein.

Un pont sus l'Oyapock Liga la vila de Saint-Georges-de-l'Oyapock en Guaiana e la vila d'Oiapoque al Brasil. Sa construccion es acabada dempuèi agost de 2011, mas foguèt inaugurat qu'en març de 2017. Fòrça piroguièrs permeton tanben de passar lo flume per anar a Oiapoque.

Aquesta frontièra es vigilada de contunh per la gendarmeria nacionala e pels legionaris del 3n REI a Saint-Georges-de-l'Oyapock e a Camopi. Aquestes pòstes avançats son utilizats coma partença de las missions de contraròtle de la gendarmeria e de l'armada (luta contra la recerca d’aur salvatge, immigracion clandestina, lo trafec d'esséncias etc.)

Lo saut Maripa sus Oyapock.

A vint minutas de veitura al sud de Saint-Georges, puèi detz minutas de caminada seguent una anciana via de camin de fèrre d’escart de 60 cm servissent al transferiment de las pirògas o alara a vint minutas de priòga, se pòt decobrir saut Maripa, un dels mai bèls sauts de Guaiana.

Idrologia

La superfícia del bacin idrografic d'Oyapock es de 25 120 km² a Maripa. Son debit interannal o modul i es de 835 m³/s e son debit especific de 33,2 L/s per km2. Lo flume presenta un peroòde d’aigada de febrièr a junh pendent la sason de las pluèjas e un periòde d’estivatge de setembre a novembre al moment de la sason seca. Las valors extrèmas mesuradas pel debit mensal sul periòde 1953-1995 son egalas a 71 m³/s e 3 485 m³/s.Modèl:Relevé hydrologique

Afluents

• Ouanary al nivèl de son estuari.
• Yaloupi a unes 200 quilomètres de son estuari.
• Rio Uaçá al nivèl de son estuari.
• Crique Gabaret
• Rio Pantanari
• Crique Armontabo
• Rio Cricou
• Crique Noussiri
• Rio Anotaïe
• Camopi

Istòria

Es su las broas de l'Oyapock que moriguèt en 1624 Jessé de Forest qu’aviá organizat, amb Willem Usselincx, l'installacion de familhas josievas e protestantas wallonas vengudas d'Avesnes-sur-Helpe, jol capinajat de Jan de Moor, una de las primièras implantacions europèas sus la Còsta Salvatja. L'istòria cartografica del bas-Oyapock, de 1506 a 1900, foguèt marcada dins un obratge de Patrick Pérez en 2017.

Galeria

• 
  vista del Brasil cap a la Guaiana francesa près del vilatge de Saint-Georges-de-l'Oyapock
• 
  saut Maripa en junh 2011: debit encora important malgat l'arribada de la sason seca
• 
  Pont acabat en agost de 2011
• 
  una piroga taxi per ligar lo Brasil