Pësc (animal)
.jpg?lang=lld)
La parora pësc vëgn dal latin pisces y denominëia n grup desvalí de organisms vertebrá che vir t’ega, che alda pro le domëne di eucarioc y pro le rëgn di tiers.
Al é passa 32.000 sortes de pësc conesciüdes che tol ite prësc le 50% dla sort di subphylum vertebrata. Danter i elemënc caraterisanc di pësc él les ejores, tres chëres che ai se möi y la respiraziun tres les branchies.
Le pësc fossil plü antich é le Haikouichthys che á vit tratan le Cambrian dan da ca. 500 miliuns de agn. Le pësc viënt plü gran é le scuale balena (Rhincodon typus) che röia cina a 20 metri de lunghëza y al pëis de 34 tonelades. Le pësc viënt plü pice é le Paedocypris progenetica, pro chël che i mandli röia a 10 mm y les mandles a 7,9 mm.