Palaciu Real d'Estocolmu

Palaciu Real d'Estocolmu
	residencia real (es) , conjunto de edificios (es) , bien cultural (es) , atraición turística y muséu
Llocalización
País	Suecia
Provincies	provincia d'Estocolmu
Conceyu	conceyu d'Estocolmu
Llugar físicu	Stadsholmen (es)
Coordenaes	59°19′36″N 18°04′18″E / 59.326666666667°N 18.071666666667°E
	Palaciu Real d'Estocolmu Palaciu Real d'Estocolmu (Suecia)
Historia y usu
Apertura	1760
Dueñu	Servicio de Administración de Inmuebles Estatales (es)
Xestión	Office of the Governor of the Royal Palaces of Sweden (en)
Usu	residencia real (es) ; residencia oficial
Usuariu	Gustav III's museum of antiquities (en)
Arquiteutura
Arquiteutu/a	Nicodemus Tessin el Joven (es) ; Carl Hårleman
Estilu	arquiteutura barroca
Pisos	3
Patrimoniu
Instalaciones
Formáu por	Real Armería de Suecia (es) , Gustav III's museum of antiquities (en) , Treasury of Sweden (en) , Museum Tre Kronor (en) , Rikssalen (en) , Q10638814 y Prinsessan Sibyllas våning (en)
	Web oficial

El Palaciu d'Estocolmu (suecu: Stockholms slott) ye la residencia oficial y el mayor de los palacios de la monarquía sueca. Anque la residencia privada de la familia real ye'l palaciu de Drottningholm. El palaciu d'Estocolmu ta asitiáu en Stadsholmen (islla de la ciudá), en Gamla Stan (la ciudá vieya) na capital de Suecia, Estocolmu xunto al Riksdag o Parllamentu suecu.

Los asistentes personales del monarca y d'otros miembros de la familia real sueca según los asistentes alministrativos de la Casa del Rei tamién s'alcuentren equí. El Palaciu tamién s'usa pa propósitos de representación que fai'l rei cuando cumple colos sos deberes como Xefe d'Estáu.

La fachada sur del palaciu da a la gran turria del Slottsbacken (turria del Palaciu); la fachada oriental bordia'l Skeppsbron (ponte de los barcos), un muelle pomposu que s'estiende a lo llargo de la costa oriental del cascu antiguu de la ciudá; na fachada norte ta'l Lejonbacken (turria de los lleones), un sistema de ramples que lleva'l nome de los lleones esculpíos en piedra que les coronen; l'ala oeste del palaciu bordia l'espaciu abiertu del Högvaktsterrassen (patiu de la guardia).

Historia

El primer edificiu que tuvo nesti llugar foi una fortaleza con una torre central construyida nel sieglu XIII por Birger Jarl pa defender el llagu Mälar. La fortaleza creció hasta convertise nun palaciu, llamáu Tre Kronor (Trés Corones) n'honor a les aguyes de la torre central.

A finales del sieglu XVI, ficiéronse munchos trabayos pa tresformar l'antigua fortaleza nun palaciu d'estilu renacentista baxo reináu del rei Xuan III. En 1690, decidió reconstruyise'l palaciu n'estilu barrocu siguiendo un diseñu de Nicodemus Tessin el Mozu. En 1692, empezaron los trabayos na zona norte y remataron en 1697, pero gran parte del palaciu esbarrumbóse por una quema producida'l 7 de mayu de 1697.

El palaciu actual foi construyíu por Nicodemus Tessin el Mozu xusto dempués de la quema, con ales con forma de semicircunferencia alredor del patiu occidental terminaes en 1734, la ilesia del palaciu terminóse na década de 1740 y l'esterior en 1754. La familia real mudóse al palaciu nel que yá concluyeren les obres de construcción de les ales suroeste, sureste, y noroeste. L'ala noroeste rematóse en 1760. Nel norte, el Lejonbacken (Turria del lleón) construyóse ente 1824 y 1830. El so nome vien de les escultures en forma de lleón qu'hai ellí.

El palaciu ta protexíu pola Högvakten, la guardia real formada por miembros de les fuercies armaes sueques. Esta guardia data de principios del sieglu XVI.

El palaciu anguaño

El palaciu ta construyíu con lladriyu, con seiciones de les fachaes oeste, sur y este cubiertes de piedra arenisco. El techu ta daqué inclináu escontra l'interior. El techu ta cubiertu de cobre y arrodiáu per una balustrada de piedra que s'estiende per tol edificiu principal.

El palaciu tien 609 habitaciones y ye unu de los mayores palacios reales del mundu que sigue n'usu col so propósitu orixinal. El palaciu consiste en cuatro fachaes: la oeste, la sur, la norte y la este. La fachada sur representa a la nación, la oeste al rei, la fachada este a la reina y la fachada norte a la realeza. La fachada del palaciu d'oeste a este mide 115 metros; de norte a sur 120 metros. Estes cuatro fachaes arrodien al patiu interior.

Dende les esquines del edificiu principal, salen cuatro ales escontra l'este y l'oeste. Toles ales tienen 48 metros de llargu y 16 d'anchu con esceición de l'ala suroeste que namái mide 11 metros. La irregularidá escuéndese gracies a dos ales semicirculares, que tán dixebraes del palaciu, y qu'arrodien al patiu esterior. El Logården (Xardín del Llobu cerval) ye un pequeñu xardín allugáu ente les ales sureste y noreste.

Referencies

Bibliografía

Abrahamsson, Åke. Prisma: Stockholm: en utopisk historia. ISBN 91-518-4264-5.
Husgerådskammaren. Kungliga husgerådskammaren: Kungliga slottet, Stockholm. ISBN 91-85726-69-9.
Linnell, Stig. Prisma: Stockholms spökhus och andra ruskiga ställen. ISBN 91-518-4075-8.
Malmborg, Boo von; Palmstierna, Carl-Fredrik Allhem: Slott och herresäten i Sverige, ett konst- och kulturhistoriskt samlingsverk. 1, Kungliga slottet i Stockholm.
Råberg, Marianne. Komm. för Stockholmsforskning: Visioner och verklighet, Stockholmskartor från 1600-talet. ISBN 91-38-09744-3.
Allhem: Slott och herresäten i Sverige.

Enllaces esternos

Web oficial. Archiváu 2013-09-28 en Wayback Machine (en suecu)