Para Aral
Para Aral ha'e akue peteĩ ypa guasu, opyta Mbyte Asia-pe, umi Kazajistán retã ha Uzbekistán mbytépe. Ymaguare para Aral niko ypa guasuvéva irundyha, hi'apekue ohupyty akue 68.000 km2, hákatu Aral oñemomichĩ ha oñemokã ary 1960 guive, karai kuéra soviétiko omombia rire umi mokõi ysyry omyenyhẽva chupe (ysyry Amu Daria ha ysyry Sir Daria), omohe'õ hag̃ua iñemitỹnguéra, ha upévare para Aral hekomichĩ hína ha heko juky vai hína.
Yvypóra ombyái avei ku para ha omongy'a hi'y, para Aral ko'ãga niko iky'a ha imichĩ, hi'y sa'i ha jukyeterei, heta mba'eapopyha omosẽ yty para Aral avei ha omongy'ave hi'y.
