Perovskita

Perovskita
Xeneral
Categoría	especie mineral (es)
Subclase de	perovskite mineral group (en)
Fórmula química	CaTiO₃
Epónimu	Lev Perovski (es) ()
Propiedaes físiques
Durez de Mohs	5,5
Densidá absoluta	4 g/cm³
Clasificación
Nickel-Strunz 8ª ed.	IV/C.07
Nickel-Strunz 9ª ed.	4.CC.30
Nickel-Strunz 10ª ed.	4.CC.30

Estructura de la perovskita. Les esferes coloraes son átomos d'osíxenu, les azul escuru son los pequeños cationes del metal B, y les verdes son los cationes metálicos A más avolumaos

La perovskita ye un mineral del grupu IV (óxidos) según la clasificación de Strunz; ye un trióxidu de titaniu y de calciu (CaTiO3). Ye un mineral relativamente raru na corteza terrestre. La perovskita cristalizase nel sistema cristalín ortorrómbico (pseudocúbico). Atópase en contautu con roques metamórfiques y acomuñada a máficas intrusivas, sienitas nefelinas, y rares carbonatitas. Foi afayada nos Montes Urales de Rusia por Gustav Rose en 1839 y nomada n'honor al mineralogista rusu, L. A. Perovski (1792-1856).

Carauterístiques

La perovskita ye tamién el nome d'un grupu más xeneral de cristales que tomen la mesma estructura. La fórmula química básica sigue'l patrón ABO3, onde A y B son cationes de distintos tamaños (por casu, LaMnO3). A ye un catión grande y puede ser un alcalín, alcalinotérreo o lantánido, y B ye un catión de tamañu mediu con preferencia pola coordinación octaédrica, de normal un metal de transición. La estructura perovskita puede considerase rellacionada cola del trióxidu de renio, REU3, onde les vacantes ordenaes -25%- del empaquetamiento compactu d'osíxenos son ocupaes pol catión más avolumáu, A.

La estructura perovskita ye adoptada por munchos sólidos inorgánicos con estequiometría ABX3. Non siempres son óxidos metálicos mistos; na elpasolita (K2NaAlF6) tenemos l'exemplu d'una familia de fluoruros importantes; la criolita (Na3AlF6) ta rellacionada con ella.

Formada so les condiciones d'alta presión del mantu de la Tierra; la forsterita olivino (MgSiO3) ye un polimorfismu; la perovskita puede ser el mineral más abondosu de la Tierra.

Aplicaciones

Apocayá emplegóse la perovskita na fabricación de célules solares. Los compuestos de perovskita son relativamente fáciles y baratos de producir. La eficiencia d'estes célules solares amontóse dende un 3,8% en 2009 hasta un 20,1% en 2014, convirtiendo esta teunoloxía na de mayor crecedera hasta la fecha. Los analises detallaos calculen que la llende teórica de la eficiencia d'esta teunoloxía asítiase en redol al 31%, averándose a la llende de Shockley–Queisser del arseniuro de galio (33%). Les sos altes eficiencies y baxos costos de producción asitien a les célules solares de perovskita como una curiosa opción comercialmente vidable, y delles empreses yá amosaron el so interés pa introducir esti tipu de módulos nel mercáu asina en 2017.

Enllaces esternos

• Datos: Q409787
• Multimedia: Perovskite