Petra Mayer (Wyycheenigi)
D Petra Mayer (* 4. April 1966 z Schlienge) isch e dytschi Wyy- un PR-Fachfrau un eemooligi Dytschi Wyycheenigi.
Lääbe
[ändere | Quälltäxt bearbeite]D Petra Mayer stammt us eme chlaine Familiewyyguet im siidlige Maarkgreeflerland. Si isch zerscht Wyybrinzässi z Schlienge wiire un dr Joor 1987/1988 Baadischi Wyycheenigi. Im Oktoober 1988 isch si z Berlin zue dr 40. Dytsche Wyycheenigi fir d Jooor 1988/9189 gweelt woore.
Mit ire Amtszyt het si s Bild vu dr Dytsche Wyycheenigi in dr Effetligkait aafange ändere. As eerschti het si di bis deert obligatoorisch dradizionäll Draacht bzw. s Dirndl abglait un het au bi offiziälle Termiin Jeans aaglait. Zum eerschte Mool het s offiziälli Brässefoto vun ere Wyycheenigi gee ooni Chroone un si het si au ebis dröue, was vor iire no kai „Wyymajesteet“ gmacht ghaa het: Si het ebis gsait zue räbböubolitische Frooge wie em Glykoolskandaal oder dr Mängeregelierig.[1]
D Petra Mayer het vu 1983 bis 1985 zeerscht e Räbbuure-Leer bim Räbguet Julius Zotz z Haidersche un bim Staatlige Räbböuinschtitut z Fryburg. Derno het si z Geisenheim s Fachabituur gmacht un vu 1986 bis 1992 an dr FH Wiesbaden / Forschigsaastalt Geisenheim studiert un as Dipl.-Ing. fir Räbböu, Chällerwiirtschaft un Marketing (FH) abgschlosse. Anne 1991 het si ne beruefsbezooge Praktikum im siidafrikanische Stellenbosch as Assistant Wine Maker vu dr Stellenbosch Farmers Winery gmacht. Iri Diploomaarbet het si zue „Chancen zur Optimierung von Weintourismus als Teil einer Kommunikationsstrategie am Beispiel der Organisation Wines of South Africa“ gmacht.
Noch em Stuudium het si 1991/1992 as PR Assischtänti bi dr Marketing-Agäntuur „das Team“ z Mainz aagfange. Deert isch si zueständig gsii fir di bundeswyt PR vu dr Rhyyland-Pfälzische Wyyfescht. 1992/1993 het si fir d Exportabdailig vu dr Trierer Korkinduschtry gschafft. 1993 bis 1995 isch si Senior Consultant bi dr PR-Agäntuur PR & P z Wiesbaden gsii un het d Brojäktlaitig fir d PR – Aarbet „Eeschtryychische Wyy“ ghaa.
Im Novämber 1995 het si iri aige PR-Agäntur „pm-kommunikation“ z Baade-Baade grindet. Zue ire internazionaale Kunde*ne zelle u. a. Wines of South Africa, Georgian Winefamily z Georgie, Fetzer Vineyards un Bonterra z Kalifornien un Alois Lageder un San Patrignano z Italie.
Weblink
[ändere | Quälltäxt bearbeite]Fueßnote
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Petra_Mayer_(Weinkönigin)“ vu de dütsche Wikipedia. E Liste vu de Autore un Versione isch do z finde. |