Petrus Christus

Petrus Christus
	;
Biografía
Nacemento	c. 1410 ; Baarle (pt)
Morte	1475 (64/65 anos); Bruxas, Bélxica
Actividade
Campo de traballo	Pintura dos Países Baixos (pt)
Lugar de traballo	Bruxas
Ocupación	pintor, iluminador
Movemento	Pintura flamenga primitiva
Obra
	Obras destacables (1449) S. Eloi no seu obradoiro; (1457 (Gregoriano)) Isabella of Portugal with Saint Elisabeth (en) ; (1470) Retrato de uma Jovem Menina (pt) ;
Familia
Parentes	Petrus Christus (II), neto
Descrito pola fonte	Allgemeine Deutsche Biographie (pt) ; Dicionario Enciclopédico Brockhaus e Efron; Early Netherlandish painting Vol. I The van Eycks—Petrus Christus (en)

Petrus Christus, nado en Baarle-Hertog, Anveres, circa 1410, e finado en Bruxas, circa 1475, foi un dos principais pintores flamengos do século XV.

Biografía

As noticias sobre a súa vida son tan escasas que nin sequera se coñece o seu verdadeiro nome (o de Petrus Christus está deducido da súa sinatura, petr. XPI).

O catálogo das súas obras, preto de corenta pezas, foi reconstruído en base ás oito pinturas subsistentes que levan a súa sinatura, datadas entre 1446 e 1457.

Cronoloxicamente documéntase por vez primeira o 7 de xullo de 1444, cando obtivo a cidadanía, xunto coa súa muller, en Bruxas. No 1458 aparece inscrito na confraría da Nosa Señora da Árbore Seca, unha das máis prestixiosas asociacións da época, que contaba entre os seus membros aos duques de Borgoña e banqueiros italianos activos en Bruxas, como os Arnolfini e os Portinari.

É considerado o herdeiro espiritual da arte de Jan van Eyck, do que incluso ata puido ter sido discípulo, mais o seu estilo evidencia influencias doutros grandes artistas flamengos do seu tempo como Dirk Bouts, Robert Campin e Rogier van der Weyden.

Algúns historiadores suxiren que Christus viaxou a Italia. Seguramente se fundan nos numerosos comitentes italianos, sobre todo toscanos, que tiña. Mesmo debeu ter en conta nas súas obras os gustos dos seus clientes italianos, por exemplo adoptando unha perspectiva cun punto de fuga único. As coincidencias da técnica artística de Petrus Christus coa de Antonello da Messina, inducen a pensar que houbo contactos entre este artista siciliano e o flamengo.

Galería

Retrato de rapaza. Ca. 1460. Óleo sobre madeira, 29x22,5 cm. Gemäldegalerie de Berlín.
Cabeza de Cristo, óleo de 1445.
Virxe co Neno, 1460 - 1465, Museo do Prado.
Retrato de un cartujo, 1446. Metropolitan Museum of Art, New York
San Eloi, 1449. Metropolitan Museum of Art
Virxe co Neno, ca. 1450. Gemäldegalerie, Berlín.
Anunciación, 1452. Gemäldegalerie
A VIrxe coa árbore seca, c. 1462-65. Museo Thyssen-Bornemisza, Madrid
O Xuízo Final, 1452. Gemäldegalerie
Natividade, c. 1460s. National Gallery of Art, Washington, D.C.