Phankham Viphavanh
_(cropped).jpg?lang=la)
Phankham Viphavanh, litteris Laotianis ພັນຄຳ ວິພາວັນ (in urbe Xam Neua die 14 Aprilis 1951 natus) est politicus Laotiae. Die 22 Martii 2021 primus minister creatus est eodem die quo praeses eligitur Thongloun Sisoulith.[1]
Bis universitates Unionis Sovieticae petivit ut rebus politicis studeret, ab anno 1977 usque in 1983, iterum ab 1985 ad 1988, quo anno gradum doctoris ascendit, dissertatione de theoria Marxistica Leninistica. Inter 1983 et 1985 scholam Communismi iuxta regimen Laotianum duxit, sed ab 1988 institutum educationis Vientianense direxit usque in 1996, quo anno hoc institutum cum aliis in novam universitatem nationalem Laotianam coniunctum est.
Minister iuxta officinam primi ministri ab anno 2001, gubernator provinciae nativae suae Houaphan ab 2005, minister eruditionis ab 2011[2] (ab 2014 officio primi ministri vicarii addito), denuo praeses vicarius ab 2016 meruit.[3]
Notae
[recensere | fontem recensere]- ↑ "Lao parliament elects Thongloun as new president" (22 Martii 2021) apud Xinhua
- ↑ Lao News Agency
- ↑ Curriculum vitae e Vicipaedia Thai (fonte non citato) demptum; similiter Laotiane
Bibliographia
[recensere | fontem recensere]- David Hutt, "Will Laos be sanctioned for embracing Russia?" (27 Iulii 2022) apud Asia Times
- David Hutt, "Is Laos’ Prime Minister On His Way Out?" in The Diplomat (28 Decembris 2022)
- Manyphone Vongphachanh, "Sonexay Siphandone Elected New Prime Minister of Laos" in Laotian Times (30 Decembris 2022)
Nexus externi
[recensere | fontem recensere]- Souknilanh Keola, "Averting fiscal crisis in Laos" (2 Aprilis 2022) apud East Asia Forum
