Placa eurasiatica
La placa eurasiatica es una placa tectonica de la litosfèra de la planeta Tèrra. Sa superfícia es de 1,1963 estereoradians. S'i associa mai sovent las placas adriatica, de la mar Egèa, anatoliana, de l'Amor, du Yangtsi, d'Okinawa, de la Sonda, birmana, de Timor, de la mar de Banda e de la mar de las Molucas.
Cobrís:
- lo Rif del Marròc;
- la majoritat d'Euròpa levat l'oèst Islàndia, la Sicília, una partida de las illas Eolianas, del sud de la Grècia (Peloponés, Atica e Eubèa), las Cicladas, las Sporadas e del Dodecanés ;
- la majoritat d'Asia levat Anatolia, la peninsula arabica, las planas paquistanesas, indianas, bengalesas e birmanas, lo Sri Lanka, las Maldivas, lo sud de la peninsula indochinesa, l'Insulíndia, las Filipinas, lo sud èst de China, Taiwan, las illas japonesas, la peninsula de Corèa, Sakhalina, la Manchoria, l'èst de la Mongolia, lo sud èst extrèm e l'èst extrèm de la Siberia ;
- l'èst de l'Atlantic Nòrd, lo bacin occidental de la mar Mediterranèa, la mar Adriatica, lo nòrd de la Mar Egèa, la mar Negra, lo nòrd de la mar d'Arabia, lo nord oèst de la Mar de China Meridionala, la mar Jauna, la mar de Boai, lo nòrd oèst extrèm de la mar d'Okhotsk, la partida orientala de l'ocean Artic.
La placa eurasiatica es en contacte amb las placas nordamericana, africana, de la mar Egèa, anatoliana, arabica, indiana, birmana, de la Sonda, del Yangtsi, de l'Amor e d'Okhotsk.
Sas frontièras amb las autras placas son formadas per de dorsalas medioatlantica dins l'ocean Atlantic e de Gakkel dins l'ocean Artic.
Lo desplaçament de la placa eurasiatica se fa cap al nòrd oèst en Euròpa e cap al sud èst en Asia a une velocitat de 0,95 centimètre par an o encara a una velocitat de rotacion de 0,8591° par milion d'anadas segon un pòl eulerian situat a 61°07' de latitud nòrd e 85°82' de longitud oèst (referencial: placa pacifica).
