Poliuretano
Poliuretano estas sinteza rezino el familio de la organikaj polimeroj. Ilin karakterizas la uretana grupo -NH-CO-O-.
Oni produktas ties fibrajn aŭ elastajn kombinaĵojn per reago de diizocianatoj (tiuj havas du NCO-funkciajn grupojn) kaj aliaj dufunkciaj kombinaĵoj.
La plej konataj poliuretanoj estas la elastaj kaj rigidaj ŝaŭmoj, kiuj estas remburaj materialoj.
La poliuretanaj ŝaŭmoj estas organikaj kombinaĵoj, kiuj entenas diizocianatojn kaj karboksilgrupojn. Dum ties estiĝo liberiĝas bobeloj de karbona dioksido, kiuj disvastiĝas kaj restas en la materialo.
La poliuretanoj el polieteroj kaj poliesteroj (kun hidroksila grupo) estas elastaj fibroj aŭ gumoj. Ili estas tre rezistaj kontraŭ ozono, sed acidoj kaj lesivoj damaĝas ĝin.
La spandekso estas bone prilaborebla sinteza fibro, uzata en la teksaĵa industrio; ĝi entenas 85 % da poliuretano (laŭ pezo).
Vidu ankaŭ
[redakti | redakti fonton]
| ||||