Pop-Rock

Déi däitsch Pop-Rock-Formatioun Wir sind Helden bei engem Concert (2005)

Pop-Rock ass e Musekgenre deen agängeg Melodien aus der Popmusek mat Elementer aus der Rockmusek verbënnt. Et gëtt méi wéi eng Definitioun vum Term, meescht handelt et sech bei engem Pop-Rock-Lidd ëm e Gittar-baséiert Stéck mat enger einfacher Struktur an enger agängeger Melodie an deem de Refrain e puermol widderholl gëtt. Instrumenter sinn haaptsächlech elektresch Gittaren, Bassgittaren an d'Drumset, wärend elektronesch Instrumenter keng sou zentral Roll spillen.

Zu bekannte Kënschtler a Gruppen déi Pop-Rock spillen oder gespillt hu kann ee Fleetwood Mac (1970er), Queen an de Bryan Adams (1980er), d'Alanis Morissette (1990er) a Wir sind Helden (2000er) zielen.