PortAventura World

PortAventura World; PortAventura World
	Konplexu turistikoa
	Irudi gehiago
Administrazioa
Estatu burujabe	Espainia
Autonomia	Katalunia
Probintzia	Tarragonako probintzia
Eskualdea	Tarragonès
Kataluniako udalerria	Salou
Izen ofiziala	PortAventura World Parks & Resort; Universal Mediterránea; PortAventura; PortAventura European Destination Resort
Jatorrizko izena	PortAventura World
Geografia
Koordenatuak	41°05′05″N 1°09′05″E / 41.084722222222°N 1.1513888888889°E
Azalera	119 ha
Demografia
Informazio gehigarria
Sorrera	2002ko ekainaren 13a
	portaventuraworld.com, portaventuraworld.com…, portaventuraworld.com… eta portaventuraworld.com…

PortAventura World Saloun eta Vila-secan (Tarragona, Katalunia) dagoen konplexu turistikoa da.^[1] Bi parke tematiko (PortAventura Park eta Ferrari Land), ur-parke bat (PortAventura Caribe Aquatic Park), golf-zelai bat (PortAventura Golf) eta bost hotel tematiko ditu. Urtero 4 milioi bisitari baino gehiago hartzen dituelarik, PortAventura Park Espainiako parke tematiko bisitatuena da, eta Europako bisitatuenetan seigarrena. 1995ean Generalitat de Catalunyak sustatu ondoren zabaldu zituen ateak lehen aldiz. 1998. urtean, Universal Studios parke tematiko honen akziodun bihurtu zen eta Universal's Port Aventura deitu zen (1999).^[2]^[3] 2005. urtean la Caixak, Criteriaren bidez, NBC Universal enpresako akzio guztien kontrola hartu zuen, berriro Port Aventura deiturik. Konplexu honek gaur egun; hotelak, ur-parkeak, golf parkeak, hondartza kluba, batzar zentroa eta proiektu gehiago ditu martxan. Hainbat erreforma izan ditu sortu zenetik.

Kudeaketa

Tussauds Taldea, Anheuser Busch, Fecsa eta la Caixak bultzatu eta eraiki zuten. Hasieran, "Tibi Gardens" deitzetik, "Port Aventura" deitzera pasatu zen. 300 milioi eurorekin inauguratu zen.

Bilakaera

Aisialdi konplexu hau, atrakzio parke bezala sortu zen. Gaur egungo Port Aventuraren kokapenean, Euro Disney Resort-a sortu nahi zuten, baina Parisen esertzea erabaki zuten azkenik. Ateak ireki zituenean, 5 area tematiko zituen: Mediterrània, Polynesia, China, México eta Far West.

Atrakzioen laburpen taula

**Port Aventurako atrakzio nagusiak**
Izena	Eraikitzailea	Gehienezko abiadura (km/o)	Altuera (m)	Luzera (m)	Inaugurazioa (urtea)
Shambhala	B&M	134	76	1.650	2012
Dragon Khan	B&M	110	45	1.270	1995
Furius Baco	Intamin AG	135	16	850	2007
Hurakan Condor	Intamin AG	115	100	200	2005
Stampida	CCI	75	26	954	1997
Tomahawk	CCI	48	13,5	440	1997
El Diablo - Tren de la Mina	Arrow Dynamics	60	16,5	970	1995
Tutuki Splash	Intamin AG	56	15	438	1995
Silver River Flume	Mack Rides	55	16	689	1995
Tami Tami	Vekoma	35	8,5	207	1998
Grand Canyon Rapids	Intamin AG	15	-	465	1995
Ferrocarril Tour	Severn Lamb	11	-	2.300	1995