Posas
An posas (Espanyol: esposas) sarong pamugol na kasangkapan na an pakagibo tuyong dai makahiro an mga takyag kan sarong indibidwal.[1] Ini may duwang piyesa, na pwedeng nakakadena, nakabisagra o takod sa sarong bara. Lambang sa'long kaini may mga ruskas na iyo an pagbarat asin pag'ulang kaini na dai basta mabukas oras ini nakatakod na sa duwang braso. Ini may piglalyabehan, asin kun mayo an lyabe, dai basta-basta mabubukas ugaring kun igwang eksperto na tataong magdulidot kaini. An napoposasan dai maihiro na bwelo an saiyang mga braso asin dai mamaniobra magamit an saiyang mga kamot sa anoman na mga gigibohon.[2][3]
Iba-ibang klaseng posas
[baguhon | baguhon an source]
Igwang tolong klaseng posas na uso ngonyan: de kadena, (an sa'long natatakod nin kadena), de bisagra (an duwang sa'long na nakabisagra nagigin limitado pagparahiro kan duwang takyag bakong arog kan sa kadena asin ini mas pusog), asin an toog na posas na an nagtatakod solidong bara sa duwang sa'long. Maski ini magabat bitbiton arog kan inapod na Hiatts Speedcuffs an toog na posas inuusar kan kadaklan na kan kapulisan sa Reyna Unido. Sa Estados Unidos, ASP, Inc. iyo an dakulang supplier nin mga posas rigid handcuffs Archived 2021-08-12 at the Wayback Machine. sa kapulisan. Pareho an toog asin de bisagrang posas magagamit nin sarong kamot sana sa pagsa'long sa mga braso. Igwa man ining mga aksesorya tangani mas may seguridad sa pagposas.
An posas pwede gibo sa aserong karbon, stainless na asero o aluminyum, o sarong sintitekong polymer. Igwa man darakula o may kalabaan na posas para sa mga matataba o sobrang dakulang mga habayan nin mga dinadakop.
Diskresyon sa pagposas
[baguhon | baguhon an source]An pagposas sa sarong arestado depende sa sitwasyon. An nag'aarestar dapat may pagkasabot kan pagkatawo kan inaarestar, na kun ini agresibo o mayo sa marhay na pag'iisip, o ribaraw na maray an isip o toninong lang. Igwang mga kamugtakan na dawa dai na posasan an sarong tawo, alagad kun pighuhuna kan kag'arestar na an inaarestar matumang, o mangangagaw nin armas o desperado talaga, mas tama an pagdesisyon na posasan nanggad an arestado. Ini orog na kun may rekord na sa saiyang pagkakriminal. An saro man na may helang sa isip mas marhay posasan kun dai man ini nasusulot sa inapod na straightjacket urog na kun may tendensyang nmagbalinghaw o mangkulog.[4]
Kataytayan nin mga ladawan
[baguhon | baguhon an source]-
Mga antigong posas -
Displey nin mga lumang posas sa Tattonpark 2010, Knutsford, Cheshire -
Hiatt104Darby Handcuffs, mga 1950 -
Posas gibo sa Taiwan
.jpg?lang=bcl)
Mga panluwas na takod
[baguhon | baguhon an source]Toltolan
[baguhon | baguhon an source]- ↑ Chisholm, Hugh, ed. (1911). "Fetters and Handcuffs". Encyclopædia Britannica (in English). 10 (11th ed.). Cambridge University Press. p. 296.
- ↑ https://www.merriam-webster.com/dictionary/handcuff. Kinua 08-12-21.
- ↑ http://lapd-assets.lapdonline.org/assets/pdf/Handcuffing_Training_Bulletin.pdf Archived 2021-08-12 at the Wayback Machine.. Kinua 08-12-21.
- ↑ http://lapd-assets.lapdonline.org/assets/pdf/Handcuffing_Training_Bulletin.pdf Archived 2021-08-12 at the Wayback Machine.. Kinua 08-12-21.
