Prabowo Subianto
| Prabowo Subianto | |
|---|---|
 | |
| Land | Avise:INO |
| Nascentie | 17-im Octobre 1951 in Jakarta |
| Partise | Gerindra |
| Oficies | |
| Presidente de Indonesia | |
| Quande | 20-im de octobre 2024 |
| Antecessor | Joko Widodo |
| Presidente del partise Gerindra | |
| Quande | 20-im de septembre 2014 til nu |
| Antecessor | Suhardi |
Prabowo Subianto Djojohadikusumo es un politico de Indonesia. Il nascet li 20-im de octobre 1951 in Jakarta e va esser desde li 20-im de octobre 2024 presidente de Indonesia. Prabowo Subianto es desde li 20-im de septembre 2014 presidente del radical nationalist partise Gerindra.
Personal e professional vive
[modificar | redacter fonte]Prabowo Subianto fat un cariere quam professional oficero del armé de Indonesia inter 1974 e 1998.
In li may 1983 Prabowo Subianto maritat Titiek Suharto, qui es li filia del ex-presidente Suharto. Li cuple have un filio Didit Hediprasetyo. Per ti maritage Prabowo Subinato devenit parte del political e militari elite del land.
Prabowo Subianto esset un commandante del Kopassus, quel es un truppe special del armé de Indonesia. Hay rumores que Prabowo Subianto e su truppe es responsabil por massacres in Ost-Timor durant li occupation del land per Indonesia. Prabowo Subianto esset comandante del truppes special Kopassus e Kostrad.
In li 1998 li ministre por defense de Indonesia demisset Prabowo Subianto pro su rol in anti-chinesi pogromes e ataccas contra li movement por democratie in Indonesia. Prabowo Subianto forlassat Indonesia por quelc annus e habitat che su fratre in Jordania. Il laborat por li firmas de su fratre.
Political cariera
[modificar | redacter fonte]- 1974-1998 Prabowo Subianto fat un cariere quam professional oficero del armé de Indonesia.
- 2008 Prabowo Subianto es inter li fundatores del radical nationalist partise Gerindra.
- 2009 Prabowo Subianto candidat por li oficie del vice-presidente con Megawati Sukarnoputri del partise PDI-P, qui esset li candidate por li oficie por li presidente, ma perdit li electiones contra Susilo Bambang Yudhoyono.
- 2014 Prabowo Subianto es electet quam presidente del partise Gerindra quam successor de Suhardi e candidat in li electiones presidential de Indonesia, ma perdit contra Joko Widodo.
- 2019 Prabowo Subianto candidat denov in li electiones presidential de Indonesia, ma perdit denov contra Joko Widodo.
- 2019-2024 Prabowo Subianato esset ministre por defense de Indonesia in li guvernament del presidente Joko Widodo.
- 2024 Prabowo Subianto es electat quam presidente de Indonesia in li unesim rond e va devenir presidente de Indonesia ye li li 20-im octobre 2024.