Pura Gunung Raung
 | |
|---|---|
 | |
| Inpormasi umum | |
| Tipe | Pura |
| Pakem Undagi | Bali |
| Genah | Taro, Gianyar, Bali |
| Negara | Indonésia |
Pura Gunung Raung wantah silih tunggil pura Dang Kahyangan sané magenah ring désa sané tua, désa Taro, Kecamatan Tegalalang, Kabupatén Gianyar. Pura Gunung Raung puniki magenah pantaraning kalih banjar, inggih punika Banjar Taro Kaja miwah Banjar Taro Kelod. Pura puniki kadadosang pinaka wates saking makakalih banjar punika. Yening rereh ring lelintihan désa-désa kuna ring Bali, ketahnyane, wewangunan pura magenah ring hulu miwah teben désa. Pura Gunung Raung puniki magenah ring teben Banjar Taro Kaja miwah ring ulu Banjar Taro Kelod[1]. Pura puniki katarka sampun mayusa panyatusan warsa. Taler, wénten sané unik ring pura puniki, wénten Titi Gonggang sané nenten prasida kaentasin olih manusa biasa. Yening punika kalanggar, patut ngamargiang pacaruan masrana antuk ayam[2].
Pura Gunung raung kabaosang pura sané kawéntenannyane mapaiketan sareng pamargi Rsi Markandeya. Kabaosang Ida Rsi Markandeya mamargi saking Jawa Timur nujur Bali. Ring lontar Bali Tatwa kabaosang pamargi Sang Rsi Markandeya pantaraning abad 8. Ida madué pasraman ring jawa timur sané mawasta Pasraman Gunung Raung. Raris ida ngamargiang tirthayatra ring Bali sané kairingang olih sisyanidané sané katahnyane 8000 diri. Irika raris ida ngrabas alas makarya genah, raris akeh para sisyanidané sané padem. Ida Sang Resi raris mawali ring Jawa timur jagi nunas panugrahan ring Hyang Pasupati.
Irika kabaos, pinyungkan miwah sasab mrana punika riantukan ida nenten ngaturang banten nunas pamargi jagi ngrabas alas. Ida raris mawali ring Bali, raris makarya pasraman. Rikala ida masamadhi, Ida ngaksi sunar saking taru, sunar sané galang. ring taru punika Resi markandya makarya Pura Gunung Raung. .
- ↑ "Babad Bali - Pura Gunung Raung". www.babadbali.com. Kaaksés 2022-05-31.
- ↑ Baliexpress. "Pura Gunung Raung, Sumber Sinar Suci di Alas Sarwa Ada | Baliexpress". LINE TODAY (ring Indonesia). Kaarsipin saking versi asli tanggal 2022-05-31. Kaaksés 2022-05-31.