Rafael García Guerrero

Rafael García Guerrero
	; (2010)
Biografía
Nacemento	20 de decembro de 1973 (50 anos); Noia, España
Alcalde de Noia
	2007 – 2015 ; ← Antonio Pérez Insua – Miguel Paz Barreiro →
Alcalde de Noia
	1999 – 2003 ; ← Carmen Abeijón Martínez – Antonio Pérez Insua →
Actividade
Lugar de traballo	Noia
Ocupación	político, comerciante
Partido político	Partido Socialista Obrero Español
Membro de	Partido dos Socialistas de Galicia

Rafael García Guerrero, nado en Noia o 20 de decembro de 1973, é un expolítico^{[Cómpre referencia]} galego do PSdeG-PSOE.

Traxectoria

Licenciado en Física. Militante das XSG, presentouse ás eleccións municipais de 1999 no concello de Noia encabezando a candidatura do PSdeG-PSOE, tras derrotar nas primarias a Xosé Moas Pazos, logrando unha substancial mellora de apoios que lle supuxo poder acceder á alcaldía co apoio do BNG e truncar a continuidade no poder do PPdeG na vila. Se ben nun principio se negociou un goberno de coalición cos nacionalistas, finalmente este non se alcanzou e gobernou en minoría. En 2003 volveu encabezala lista socialista e pese a mellorar resultados non conseguiu de novo a alcaldía debido á caída do BNG que favoreceu a maioría absoluta do PPdeG.

En 2007 recuperou a alcaldía grazas ó apoio do BNG, tras perder os populares a maioría absoluta, e gobernando en coalición cos nacionalistas. En marzo de 2009 rómpese o pacto e continuou gobernando en minoría o resto do mandato. En 2011 foi reelixido alcalde grazas a un pacto co BNG e a formación independente Noieses Independientes Agrupados (NO.I.A).^[1]. No 2015 non se presentou á reelección e abandonou a primeira liña política.

Tralo seu abandono da política rexenta un ultramarinos na vila noiesa.

Predecesor: Carmen Abeijón Martínez	Alcalde de Noia 1999 - 2003	Sucesor: Antonio Pérez Ínsua
Predecesor: Antonio Pérez Ínsua	Alcalde de Noia 2007 - 2015	Sucesor: Miguel Paz Barreiro