Ragamuffin
| Ragamuffin | ||||
| ||||
| Land | VSA | |||
| Ontstaan | Kruisras | |||
| Soort lyf | Stewig | |||
| Pels | Halflank | |||
| Patroon | Alle | |||
| Wetenskaplike naam | ||||
| Felis catus (huiskat) | ||||
| ||||
Die Ragamuffin is ’n katras wat in 1994 die eerste op die toneel verskyn het. Hy is bekend vir sy dik, konynagtige pels.
Geskiedenis
[wysig | wysig bron]In die 1960's het ’n teler, Ann Baker, verskeie klein katjies van ’n buurvrou gekoop en begin om wat nou as die Ragdoll bekend is, te ontwikkel. Sy het die International Ragdoll Cat Association (IRCA) gestig en streng standaarde opgestel vir enigiemand wat onder dié naam met die katte wou teel.[1] Ander verenigings mag ook nie die Ragdoll geregistreer het nie. In 1975 het ’n groep van die IRCA weggebreek met die doel om algemene erkenning vir die katte te kry. Hulle het eindelik die standaarde vir die Ragdoll ontwikkel soos wat groot verenigings dit tans aanvaar.[1]
In 1994 het nog ’n groep van die IRCA weggebreek weens die streng teelbeperkings. Hulle kon nie dieselfde naam gebruik nie en het hul kat die Ragamuffin (Afrikaans: skobbejak, smeerlap) genoem. Die naam is as ’n grap voorgestel, maar toe die oorspronklike registrasie nie verander kon word nie, moes die naam behou word. Om die katte se genetiese gesondheid te verbeter, is hulle met Persiese katte, Himalajakatte en langharige huiskatte gekruis en dit het die kat anders as sy Ragdoll-voorouers laat lyk.
Sommige katverenigings erken die Ragamuffin, terwyl ander dit nie doen nie omdat hy so baie soos die Ragdoll lyk. Die American Cat Fanciers Association (ACFA) en die Cat Fanciers' Association (CFA) het hulle in 2003 in die diverse klas aanvaar en in 2011 in die kampioenskapsklas.[2]
Beskrywing
[wysig | wysig bron]Ragamuffins is sterk, swaar katte wat eers ná vier of vyf jaar volwasse word.[3] Hulle het ’n reghoekige lyf met ’n breë bors en kort nek. Hul pels is halflank en word langer na die maag toe. Dit is ook lank om die nek en kante van die gesig. Hulle kan enige kleur en patroon hê.
Die katte word geteel om liefdevol, sosiaal en spelerig te wees.
Sien ook
[wysig | wysig bron]Verwysings
[wysig | wysig bron]- ↑ 1,0 1,1 Ragdoll Geargiveer 28 September 2007 op Wayback Machine J. Anne Helgren (2006). Telemark Productions.
- ↑ "Breed: Ragamuffin". Geargiveer vanaf die oorspronklike op 7 Desember 2011. Besoek op 17 Januarie 2012.
- ↑ http://www.felinexpress.com/cat-breeds/ragamuffin.asp
Eksterne skakels
[wysig | wysig bron]- RagaMuffin Associated Group Die oorspronklike groep wat die kat ontwikkel het
- CFA-teelprofiel Geargiveer 14 April 2012 op Wayback Machine
Wikimedia Commons het meer media in die kategorie Ragamuffin.
Hierdie artikel is vertaal uit die Engelse Wikipedia
