Raymond Léopold Bruckberger (Murat, 1907koapirilaren 10a - Friburgo, 1998kourtarrilaren 4a) frantses domingotarra izan zen. Hogei urte zituela, Frantziako herritartasuna hartu zuen, eta 1929an domingotarren ordenan sartu zen. Okupazioaren garaian, katoliko guztiek nazismoari aurre ez egina deitoratu zuen. Baina, gero, heriotza-zigorraren ongintza sakratua defendatu zuen. Azken-aurreko liburua Oui à la peine de mort (1986, Bai heriotza-zigorrari) izan zuen. Le cheval de Troie aldizkariko sortzaileetako bat izan zen (1947-1948), Frantziako Elizaren jesuitismoaren kontra egiteko. Atzerriko Legioko kapilau izan zen. Ondoren, Afrika iparraldera joan zen. Gero, zortzi urte egin zituen Estatu Batuetan eta lau Grezian. Azkenik, Suitzako herrixka batera erretiratu zen. 1960an Le Dialogue des carmélites (Karmeldarren elkarrizketa) filma egin zuen, eta 1967an Tu moissonneras la tempête (Ekaitza jasoko duzu), Frantziako askatasunari buruzkoa. Bestalde, artikuluak idatzi zituen Life, New York Times, L´Aurore, Figaro-Magazine aldizkarietan. Lettre ouverte à Jésus-Christ (1973, Eskutitz irekia Jesu Kristori), Lettre à Jean-Paul II, pape de l´an 2000 (1979, Eskutitza Joan Paulo II.ari) eta memoria liburu bat, À l´heure où les ombres s´allongent (1989, Itzalak luzatzen direnean) idatzi zituen, besteak beste. Burckberger aitak ohituren dekadentzia salatu zuen, eta bere burua katoliko ez-praktikatzailetzat zuen. 1981ean Ce que je crois (Nik sinesten dudana) idatzi zuen. 1985ean Académie des sciences morales et politiquesen sartu zen.
_by_Erling_Mandelmann.jpg?lang=eu)
Frantzia
Datuak: Q731141
Multimedia: Raymond-Léopold Bruckberger / Q731141